Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > Mumbai Fire: અંબરનાથમાં એક મકાનમાં ભભૂકી આગ, એકસાથે 5 સિલિન્ડર બ્લાસ્ટ

Mumbai Fire: અંબરનાથમાં એક મકાનમાં ભભૂકી આગ, એકસાથે 5 સિલિન્ડર બ્લાસ્ટ

26 February, 2024 01:54 PM IST | Mumbai
Gujarati Mid-day Online Correspondent | gmddigital@mid-day.com

મુંબઈMumbai Fire)ને અડીને આવેલા અંબરનાથમાં એક નિર્માણાધીન મકાનમાં આગ લાગી હતી. આગનું કારણ ઘરમાં રાખવામાં આવેલા 5 ગેસ સિલિન્ડરનો વિસ્ફોટ હોવાનું કહેવાય છે.

પ્રતીકાત્મક તસવીર

પ્રતીકાત્મક તસવીર


Mumbai Fire: મુંબઈને અડીને આવેલા અંબરનાથમાં એક નિર્માણાધીન મકાનમાં આગ લાગી હતી. આગનું કારણ ઘરમાં રાખવામાં આવેલા 5 ગેસ સિલિન્ડરનો વિસ્ફોટ હોવાનું કહેવાય છે. ફાયર વિભાગની ગાડીઓ ઘટનાસ્થળે પહોંચી ગઈ છે અને આગ પર કાબૂ મેળવવાના પ્રયાસો હાથ ધરવામાં આવ્યા છે. આ દુર્ઘટનામાં કોઈ જાનહાનિની ​​માહિતી નથી.

જણાવવામાં આવી રહ્યું છે કે ઘરમાં આગ ગેસ સિલિન્ડર ફાટવાના કારણે લાગી હતી. જે બાદ એક પછી એક 15 થી 20 સિલિન્ડર બ્લાસ્ટ થયા હોવાની માહિતી સામે આવી છે. આગ એટલી ભયાનક હતી કે આસપાસના 50 થી વધુ ઝૂંપડાઓ પણ તેની અસરગ્રસ્ત થયા હતા. આ દુર્ઘટનામાં કોઈ જાનહાનિની ​​માહિતી નથી.



સ્થાનિક લોકોનું કહેવું છે કે જો ફાયર બ્રિગેડની ગાડીઓ સમયસર પહોંચી ગઈ હોત તો આગનો પ્રકોપ ઘણો ઓછો હોત અને આટલા ઝૂંપડાઓ બળી ન શક્યા હોત. બાદમાં ફાયર ફાઈટર ઘટના સ્થળે પહોંચી આગને બુઝાવવાની કામગીરી યુદ્ધના ધોરણે શરૂ કરવામાં આવી હતી. આગ પર કાબુ મેળવી લેવામાં આવ્યો છે. ફાયર બ્રિગેડની ટીમ દ્વારા હજુ પણ કૂલિંગની કામગીરી ચાલી રહી છે. આ ઘટના સોમવારે સવારે 10 વાગ્યાની આસપાસ બની હતી. જો કે લોકો સમયસર ઘરની બહાર આવીને પોતાનો જીવ બચાવી શક્યા હતા, પરંતુ તેઓ ઘરમાં રાખેલી કિંમતી સામાનને બચાવી શક્યા ન હતા. આ વસાહતમાં સેંકડો ઝૂંપડાં છે. જેમાંથી અડધો ભાગ આગની ઝપેટમાં આવી ગયો છે.


નોંધનીય છે કે અગાઉ થાણેમાં પણ આગ લાગી હતી. થાણેમાં રવિવારે સવારે સ્ટેટ ટ્રાન્સપોર્ટ બસમાં આગ લાગી હતી. જોકે બસમાં બેઠેલા 45 મુસાફરોનો આબાદ બચાવ થયો હતો. થાણે મ્યુનિસિપલ કૉર્પોરેશનના ડિઝૅસ્ટર મૅનેજમેન્ટ સેલના પ્રમુખ યાસિન તડવીએ જણાવ્યું હતું કે આ ઘટના કલવા પોલીસ સ્ટેશન પાસેના વિટાવા બ્રિજ નજીક સવારે 8.18 વાગ્યે બની હતી. મહારાષ્ટ્ર સ્ટેટ રોડ ટ્રાન્સપોર્ટ કૉર્પોરેશનની બસ ૪૦થી ૪૫ મુસાફરોને લઈને રાયગડ જિલ્લાના ખોપટ બસડેપોથી પાલી જઈ રહી હતી ત્યારે એના એન્જિનમાં અચાનક આગ ફાટી નીકળી હતી. ફાયરમેન અને ડિઝૅસ્ટર મૅનેજમેન્ટ સેલની ટીમ ઘટનાસ્થળે પહોંચી ગઈ હતી અને તમામ મુસાફરોને બસમાંથી સલામત રીતે બહાર કાઢવામાં આવ્યા હતા. આગ 8.28 વાગ્યા સુધીમાં જ કાબૂમાં આવી ગઈ હતી. 


Whatsapp-channel Whatsapp-channel

26 February, 2024 01:54 PM IST | Mumbai | Gujarati Mid-day Online Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK