° °

આજનું ઇ-પેપર
Monday, 26 September, 2022


ઑનલાઇન ચીટિંગમાં ત્રણ ટકા કમિશનની લાલચમાં બે મોબાઇલ દુકાનદારો જેલભેગા

08 August, 2022 11:21 AM IST | Mumbai
Gujarati Mid-day Correspondent | feedbackgmd@mid-day.com

આ ચીટિંગનો માસ્ટરમાઇન્ડ ફરાર છે.

સુરતના ચાર ગુજરાતી આરોપી યુવાનો સાથે આંબોલી પોલીસની ટીમ

સુરતના ચાર ગુજરાતી આરોપી યુવાનો સાથે આંબોલી પોલીસની ટીમ

અંધેરીમાં રહેતા એક બિઝનેસમૅનને મેસેજ આવે છે કે તેમણે પૅન અને આધાર કાર્ડ અપડેટ કરાવવાં પડશે અને એમ નહીં કરે તો બૅન્ક અકાઉન્ટ બંધ થઈ જશે. મેસેજ આવ્યો ત્યારે વેપારી ઑફિસમાં બિઝી હોવાથી તેમણે પેલો મેસેજ પત્નીને આપીને મેસેજમાં આપેલી લિન્ક ઓપન કરવાનું કહ્યું હતું. વેપારીની પત્નીએ મેસેજમાં આપેલી લિન્ક ઓપન કરતાં એક વેબસાઇટ ખૂલી હતી જેમાં માહિતી ભરવાનું કહ્યું હતું. એ મુજબ વેપારીની પત્નીએ કરતાં ગણતરીના સમયમાં જ વેપારીના બૅન્કના ખાતામાંથી થોડા-થોડા કરીને ૧.૪૦ લાખ રૂપિયા કોઈક અકાઉન્ટમાં ટ્રાન્સફર કરી લેવામાં આવ્યા હતા. વેપારીએ આંબોલી પોલીસ સ્ટેશનમાં ૨૪ માર્ચે ફરિયાદ નોંધાવ્યા બાદ પોલીસે ચાર મહિના મહેનત કરીને સુરતમાંથી મોબાઇલની દુકાન ધરાવતા બે સહિત ચાર ગુજરાતી યુવાનોની ધરપકડ કરી હતી. તેમણે ત્રણ ટકા કમિશન મેળવવાની લાલચમાં આ કામ કર્યું હોવાનું જણાયું હતું. આ ચીટિંગનો માસ્ટરમાઇન્ડ ફરાર છે.

આંબોલી પોલીસ સ્ટેશનમાં ૨૪ માર્ચે અંધેરીમાં રહેતા ફરિયાદી રવીન્દ્ર ઘુસ્તેની પત્ની દીપાલીએ એસએમએસ મેસેજમાં આપેલી લિન્ક ઓપન કરતાં જ વેપારીના અકાઉન્ટમાંથી ૧.૪૦ લાખ રૂપિયા બીજા અકાઉન્ટમાં ટ્રાન્સફર થઈ ગયા હતા. પોલીસે આ મામલે ફરિયાદ નોંધીને તપાસ કરતાં જણાયું હતું કે સુરતમાં મોબાઇલની દુકાન ધરાવતા બે યુવાનો ચીટિંગ કરવામાં આવેલી રકમ જે અકાઉન્ટમાં ક્રેડિટ થઈ હતી એમાંથી કેટલાંક પેમેન્ટ કરી રહ્યા છે. આથી પોલીસે સુરતમાંથી ૩૨ વર્ષના આશિષ બોઘરા, ૨૫ વર્ષના જેમિશ વીરાણી, ૩૨ વર્ષના વિપુલ બોઘરા અને ૨૭ વર્ષના પ્રદીપ રંગાણી નામના આરોપીઓની ધરપકડ ૩ ઑગસ્ટે કરી હતી.

મોડસ ઑપરેન્ડી
આ કેસની તપાસ કરી રહેલા આંબોલી પોલીસ સ્ટેશનના ઇન્સ્પેક્ટર અબ્દુલ રઉફ ગની શેખે ‘મિડ-ડે’ને કહ્યું હતું કે ‘૨૪ માર્ચે વેબસાઇટના માધ્યમથી ચીટિંગ થવાની ફરિયાદ નોંધ્યા બાદ અમે રકમ જે અકાઉન્ટમાં ટ્રાન્સફર કરવામાં આવી હતી એના પર નજર રાખી હતી. તપાસમાં જણાયું હતું કે એ અકાઉન્ટમાંથી સુરતમાં થોડું-થોડું પેમેન્ટ કરવામાં આવી રહ્યું છે. આથી અમારી ટીમે સુરત જઈને મોબાઇલની દુકાન ધરાવતા આરોપીઓ આશિષ બોઘરા અને જેમિશ વીરાણી તેમ જ તેમને આ ગુનામાં સાથ આપવા બદલ બીજા આરોપીની ધરપકડ કરી હતી. તેમની પાસેથી ૧૫૨ ડેબિટ કાર્ડ મળી આવ્યા છે. ઑનલાઇન ચીટિંગનો સૂત્રધાર ભાગતો ફરી રહ્યો છે. તે ચીટિંગની રકમ કૅશ કરવા માટે મોબાઇલની દુકાનદારાને ત્રણ ટકા કમિશન આપતો હતો. આવી રીતે તેમણે અમુક લોકો સાથે અત્યાર સુધી ૩૦ લાખ રૂપિયાની ચીટિંગ કરી હોવાનું તપાસમાં જણાયું છે. આ મામલામાં આગળની તપાસ ચાલી રહી છે.’

08 August, 2022 11:21 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

ભુલેશ્વરમાં ભરબપોરે થઈ આંગડિયાની ઑફિસમાંથી એક કરોડ રૂપિયાની ચોરી

બે આરોપીઓ બંધ ઑફિસનો દરવાજો તોડીને અંદર રાખેલી તિજોરીમાંથી કૅશ સાથે પલાયન થઈ ગયા : વી. પી. રોડ પોલીસે ફરિયાદ નોંધીને તપાસ હાથ ધરી

26 September, 2022 01:55 IST | Mumbai | Gujarati Mid-day Correspondent
મુંબઈ સમાચાર

મુંબઈના ત્રણને નોકરીની લાલચ આપીને મ્યાનમારમાં ગોંધી રખાયા

ત્રણ પૈકીના એકે મિત્રનો સંપર્ક કરતાં મિત્રએ પોલીસને ઘટનાની જાણ કરી હતી, જેને પગલે ક્રાઇમ બ્રાન્ચે અજાણી વ્યક્તિઓ વિરુદ્ધ એફઆઇઆર દાખલ કર્યો હતો

26 September, 2022 10:07 IST | Mumbai | Gujarati Mid-day Correspondent
મુંબઈ સમાચાર

પૌત્રી પાસે ભીખ મગાવવા બદલ ૮૨ વર્ષના વૃદ્ધ અને તેની પત્ની સામે ગુનો નોંધાયો

ડોમ્બિવલી રેલવે પોલીસના સિનિયર ઇન્સ્પેક્ટર મુકેશ ધાગેએ આપી માહિતી

26 September, 2022 10:02 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK