ઇન્ડિયન ઍર ફોર્સના સધર્ન કમાન્ડના પ્રવક્તાએ પણ આ સિદ્ધિ બદલ આનંદ વ્યક્ત કર્યો હતો
સુખોઈ-૩૦MKIએ ગુરુવારે ઉલવેના નવી મુંબઈ ઇન્ટરનૅશનલ ઍરપોર્ટ પર સફળ લૅન્ડિંગ કરીને ઇતિહાસ રચ્યો હતો
ઇન્ડિયન ઍર ફોર્સના ફાઇટર જેટ સુખોઈ-૩૦MKIએ ગુરુવારે ઉલવેના નવી મુંબઈ ઇન્ટરનૅશનલ ઍરપોર્ટ પર સફળ લૅન્ડિંગ કરીને ઇતિહાસ રચ્યો હતો. ડિફેન્સ તેમ જ સિવિલ એવિયેશનની ક્ષમતા વધારવામાં આને મહત્ત્વનું પગલું ગણવામાં આવે છે. ઇન્ડિયન ઍર ફોર્સના સધર્ન કમાન્ડના પ્રવક્તાએ પણ આ સિદ્ધિ બદલ આનંદ વ્યક્ત કર્યો હતો અને કહ્યું હતું કે ‘આ ઇન્ડિયન ઍર ફોર્સ અને ઇન્ડિયન એવિયેશન માટે ઐતિહાસિક અને ગૌરવની ક્ષણ છે. એને કારણે ઇન્ડિયન ઍર ફોર્સની ઑપરેશનલ કૅપેબિલિટીમાં વધારો થયો છે. ઉલ્લેખનીય છે કે યુદ્ધ જેવી પરિસ્થિતિ ઉદ્ભવે ત્યારે સિવિલ એવિયેશન માટે ઉપયોગમાં લેવાતા રનવે તથા હાઇવેને ઉપયોગમાં લઈ શકાય એ માટે છેલ્લા ઘણા સમયથી આ રીતે ઍર ફોર્સનાં ફાઇટર જેટ્સનું ટેકઑફ અને લૅન્ડિંગનું પરીક્ષણ થઈ રહ્યું છે.
