° °

આજનું ઇ-પેપર
Friday, 12 August, 2022


બે સંતાનો રઝળી પડ્યાં

22 June, 2020 11:08 AM IST | Mumbai Desk
Prakash Bambhrolia | prakash.bambhroliya@mid-day.com

બે સંતાનો રઝળી પડ્યાં

થાણે આરટીઓ ઑફિસ

થાણે આરટીઓ ઑફિસ

કોરોના સામેની લડતમાં આરોગ્ય વિભાગ અને પોલીસ તંત્રની સાથે આરટીઓ વિભાગ પણ ફ્રન્ટલાઇન પર કામ કરી રહ્યો છે. શનિવારે થાણે આરટીઓના ડોમ્બિવલીમાં રહેતા ક્લર્ક અને તેની પત્નીનું મૃત્યુ થયું હતું. ક્લર્કના બહેનને પણ વાઇરસનું સંક્રમણ થતાં બે સંતાન રઝળી પડ્યાં હોવાનું જાણવા મળ્યું હતું. ચોવીસ કલાક ગુજરાત અને નાશિક તરફનાં વાહનોની તપાસમાં કામ કરતી થાણે આરટીઓ ટીમના પાંચ અધિકારીને પણ વાઇરસનું સંક્રમણ થવાની સાથે ૪૦ કર્મચારી પણ ઝપટમાં આવ્યા છે, જ્યારે ૭ કર્મચારી ક્વૉરન્ટીનમાં છે.

Thane RTO Team

થાણે જિલ્લાના આરટીઓ વિભાગનો એરિયો ગુજરાત બોર્ડર અને કલ્યાણથી આગળ નાશિક રોડ શરૂ થાય ત્યાં સુધીનો છે. દરરોજ આ વિસ્તારમાં હજારો વાહનોની અવરજવર થાય છે. બહારથી આવતાં વાહનોના રજિસ્ટ્રેશન ચકાસવાથી માંડીને લૉકડાઉનના સમયમાં વાહનોમાં છુપાવીને ગેરકાયદે લોકોને લઈ જવાની કરાતી પ્રવૃત્તિ રોકવાનું કામ આ વિભાગ દ્વારા કરાઈ રહ્યું છે. લૉકડાઉન શરૂ કરાયા બાદથી આવાં ૯૦૦ વાહનોને મેમો આપવાની સાથે આરટીઓએ ૧૭૫ વાહન જપ્ત કર્યાં છે.
થાણે આરટીઓના ચીફ રવિ ગાયકવાડે ‘મિડ-ડે’ને કહ્યું હતું કે ‘લૉકડાઉનમાં છૂટછાટ અપાયા બાદ વાહનોની અવરજવર વધી છે, જેને લીધે કોરોના વાઇરસનો ફેલાવો પણ વધ્યો છે. અમારા વિભાગના ડોમ્બિવલીમાં રહેતા ૪૫ વર્ષના ક્લર્ક પ્રકાશ સાળવી અને તેની પત્ની કોરોનાનો ભોગ બન્યાં છે. બન્નેના ૨૪ કલાકની અંદર મૃત્યુ થયાં છે. ક્લર્કની સાથે રહેતી બહેનને પણ સંક્રમણ થવાથી તે હૉસ્પિટલમાં ઍડ્‌મિટ છે. તેના બે સંતાન રઝળી પડ્યાં છે. અમારા વિભાગના કર્મચારીઓ અત્યારે તેમની દેખરેખ રાખી રહ્યા છે. આરટીઓ ફ્રન્ટલાઇન પર કામ કરતું હોવા છતાં અમારી પાસે માત્ર ૧૬૦ ઑફિસર અને ૬૦ જેટલા કર્મચારીઓ જ છે. કોરોના વાઇરસથી બચવા માટે પ્રોટેક્શન કિટ પણ અપૂરતી હોવા છતાં, ગુજરાત બોર્ડરથી લઈને મુંબઈ-નાશિક રોડ સુધીના અમારા વિસ્તારમાં વાહનો પર નજર રાખવા હું અડધી રાતે અચાનક મુલાકાત લઉં છું.’

મારા વિભાગના ડોમ્બિવલીમાં રહેતા ૪૫ વર્ષના ક્લર્ક પ્રકાશ સાળવી અને તેની પત્ની કોરોનાનો ભોગ બન્યાં છે. બન્નેના ૨૪ કલાકની અંદર મૃત્યુ થયાં છે. - રવિ ગાયકવાડ, થાણે આરટીઓના ચીફ

22 June, 2020 11:08 AM IST | Mumbai Desk | Prakash Bambhrolia

અન્ય લેખો

મુંબઈ સમાચાર

ઘાટકોપરના બિલ્ડર્સ અને ડેવલપર્સને મીટીંગ યોજાઈ

જેમાં ૬૦થી વધારે લોકો ઉપસ્થિત રહ્યા હતા

12 August, 2022 11:21 IST | Mumbai | Gujarati Mid-day Correspondent
મુંબઈ સમાચાર

દુલ્હનિયા લે જાએંગે, રાહુલ વેડ્સ અંજલિ

આ કોઈ ફિલ્મ અને એનાં પાત્રોનાં નામ નથી, પણ ઇન્કમ-ટૅક્સવાળા જે વાહનોમાં રેઇડ પાડવા ગયા હતા એના પર આવાં સ્ટિકર લગાવવામાં આવ્યાં હતાં

12 August, 2022 11:17 IST | Mumbai | Gujarati Mid-day Correspondent
મુંબઈ સમાચાર

આઉટિંગ ઍટ એની કૉસ્ટ

મોહરમ, રક્ષાબંધન, સ્વતંત્રતા દિવસ, જન્માષ્ટમીની રજાઓ અને એમાં શનિવાર અને રવિવારને કારણે લાંબું વેકેશન મળી ગયું હોવાથી લોકોના ફરવાના ક્રેઝમાં જબરો વધારો જોવા મળ્યો છે અને તેઓ ગમે એમ ફરવા જવા તૈયાર થયા છે ત્યારે મુંબઈના ટ્રાવેલિંગ એજન્ટોનું શું કહે છે?

12 August, 2022 11:04 IST | Mumbai | Rohit Parikh

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK