આવો આક્ષેપ કરીને BJPના નેતાએ દિલ્હી હાઈ કોર્ટમાં યાચિકા દાખલ કરી, પણ તેમને સરકાર પાસે જવાનું કહેવાયું
પ્રતીકાત્મક તસવીર
વિદેશી ટ્રાવેલ કંપનીઓ ભારતીય પ્રવાસીઓનું બુકિંગ કરતી વખતે તેમનાં બૅન્ક-અકઉન્ટ, ફોન-નંબર, આધાર કાર્ડ વગેરે સહિતની ડીટેલ્સ મેળવતી હોય છે. મેક માય ટ્રિપ, ગોઆઇબિબો, સ્કાયસ્કૅનર જેવી કંપનીઓ પાસે એકત્ર થયેલા ભારતીયોના ડેટાનો દુરુપયોગ થાય નહીં એ માટે કેન્દ્ર સરકારને નિર્દેશ આપવા માટે દિલ્હીની હાઈ કોર્ટમાં અપીલ કરવામાં આવી હતી. ભારતીય જનતા પાર્ટી (BJP)ના નેતા અશ્વિનીકુમાર ઉપાધ્યાય દ્વારા કરવામાં આવેલી આ અરજીને દિલ્હી હાઈ કોર્ટે ફગાવી દીધી હતી. કોર્ટે તેમને આ મુદ્દે સરકારનો સંપર્ક કરવા જણાવ્યું હતું. કોર્ટે નોંધ્યું હતું કે અરજદારે સરકારને ફરિયાદ કર્યા વિના સીધો કોર્ટનો સંપર્ક કર્યો હતો જે ઠીક નથી. ઉપાધ્યાયનું કહેવું હતું કે આ કંપનીઓ માત્ર સામાન્ય લોકોની જ નહીં પણ સાંસદ, ધારાસભ્યો, મંત્રીઓ, ન્યાયાધીશો, સંરક્ષણ વિભાગના અધિકારીઓ તથા તેમના પરિવારજનોની અંગત માહિતી એકત્ર કરે છે; આ ડેટાનો દુરુપયોગ થાય નહીં એ માટે કેન્દ્ર સરકારે કંપનીઓ પાસેથી ખાતરી મેળવવી જોઈએ. ઉપાધ્યાયનો મુદ્દો સાચો હતો, પણ આ માટે હવે તેમણે સરકાર પાસે જવું પડશે.
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)