Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > મુંબઈ સમાચાર > આર્ટિકલ્સ > હવે મરીન લાઇન્સથી વરલી સી-ફેસ પહોંચો સડસડાટ

હવે મરીન લાઇન્સથી વરલી સી-ફેસ પહોંચો સડસડાટ

11 July, 2024 09:43 AM IST | Mumbai
Gujarati Mid-day Correspondent | feedbackgmd@mid-day.com

કોસ્ટલ રોડમાં ત્રીજા તબક્કાનો રસ્તો આજે સવારે સાત વાગ્યે ખુલ્લો મુકાશે

મુખ્ય પ્રધાન એકનાથ શિંદેએ ગઈ કાલે કોસ્ટલ રોડની મુલાકાત લીધી હતી.

મુખ્ય પ્રધાન એકનાથ શિંદેએ ગઈ કાલે કોસ્ટલ રોડની મુલાકાત લીધી હતી.


કોસ્ટલ રોડમાં હાજી અલીથી વરલી સી-ફેસ સુધીનું કામ પૂરું થઈ ગયું છે એટલે આજે સવારના સાત વાગ્યે ત્રીજા તબક્કામાં આ માર્ગ ખુલ્લો મૂકવામાં આવશે. આથી વાહનચાલકો મરીન લાઇન્સથી વરલી સી-ફેસ સડસડાટ પહોંચી શકશે. મુખ્ય પ્રધાન એકનાથ શિંદેએ ગઈ કાલે કોસ્ટલ રોડની બૃહન્મુંબઈ મ્યુનિસિપલ કૉર્પોરેશન (BMC)ના કમિશનર-કમ-ઍડ્મિનિસ્ટ્રેટર ભૂષણ ગગરાણી સહિતના ઉચ્ચ અધિકારીઓ સાથે મુલાકાત લીધી હતી. મુખ્ય પ્રધાને આ સમયે કહ્યું હતું કે ‘કોસ્ટલ રોડનું કામ જેમ-જેમ પૂરું થઈ રહ્યું છે તેમ-તેમ એ વાહનવ્યવહાર માટે ખુલ્લો મૂકવામાં આવી રહ્યો છે. મરીન લાઇન્સથી હાજી અલી સુધી બીજા તબક્કામાં રસ્તો ખોલ્યા બાદ હવે હાજી અલીથી વરલી સી-ફેસના ખાન અબ્દુલ ગફાર ખાન રોડ સુધીનો રસ્તો તૈયાર થઈ ગયો છે એટલે એ શરૂ થઈ જશે. આથી મુંબઈકરોને ટ્રાફિક-જૅમમાં રાહત મળશે. કોસ્ટલ રોડનું ૯૧ ટકા કામ પૂરું થઈ ગયું છે એટલે આ માર્ગને બાંદરા-વરલી સી-લિન્ક સાથે જોડવાનું કામ યુદ્ધના ધોરણે ચાલી રહ્યું છે. ત્રણેક અઠવાડિયાંમાં આ કામ પૂરું થવાની શક્યતા છે એટલે એ પછી નરીમાન પૉઇન્ટથી બાંદરા ઝડપથી પહોંચી શકાશે.’


Whatsapp-channel Whatsapp-channel

11 July, 2024 09:43 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK