થીજી ગયેલા પૅન્ગૉન્ગ લેક પર મુંબઈગરા દોડ્યા તો ખરા, પણ મૅરથૉન પૂરી કરવામાં મુંબઈની સરખામણીએ ડબલ સમય લાગ્યો

એક વ્યક્તિને મેડિકલ કારણસર દોડવાની પરવાનગી આપવામાં નહોતી આવી એટલે ૬ જણે ફુલ મૅરથૉનમાં ભાગ લીધો હતો અને એ પૂરી કરી હતી.

પૅન્ગૉન્ગ ફ્રોઝન લેક મૅરથૉનમાં ભાગ લેનારા મુંબઈગરા

લદ્દાખના પૅન્ગૉન્ગ‍ ફ્રોઝન લેક પર ૪૨ કિલો​મીટરની ફુલ મૅરથૉન બોરીવલીના ગ્રુપે પૂરી તો કરી હતી, પણ મુંબઈ મૅરથૉન પૂરી કરવામાં જેટલો સમય લાગે એના કરતાં ડબલ સમય તેમને આ મૅરથૉન પૂરી કરવામાં લાગ્યો હતો. કુલ ૮ જણના ગ્રુપમાંથી ૭ જણ ફુલ અને એક મહિલા હાફ મૅરથૉન દોડવાનાં હતાં. જોકે એક વ્યક્તિને મેડિકલ કારણસર દોડવાની પરવાનગી આપવામાં નહોતી આવી એટલે ૬ જણે ફુલ મૅરથૉનમાં ભાગ લીધો હતો અને એ પૂરી કરી હતી.

સુમન રાઠી

ADVERTISEMENT

ધનરાજ સંસારે

ડૉ. નીલ આશર

કલ્પેશ દોશી

દીપા અને પ્રદીપ કાત્રોડિયા

સોમવારે યોજાયેલી આ મૅરથૉનનો અનુભવ કેવો રહ્યો એ જણાવતાં ગ્રુપના સભ્ય ડૉ. નીલ આશરે ‘મિડ-ડે’ને કહ્યું હતું કે ‘આ મૅરથૉનમાં દોડવું ચૅલેન્જિંગ હતું. અમારે બરફ પર જ દોડવાનું હતું એટલે એના પર ગ્રિપ રહે એ માટે અમે ખીલાવાળાં શૂઝ પહેરીને દોડ્યા હતા. દરેક સ્ટેપ પર એ ખીલાવાળાં શૂઝ બરફમાંથી કાઢીને આગળ મૂકવાનાં હોવાથી ડબલ એફર્ટ લાગ્યો હતો અને એને લીધે સમય ડબલ થયો હતો. અમારું લક્ષ્ય મૅરથૉન પૂરી કરવાનું હતું અને એ અમે કરી શક્યા. એક બીજી મહત્ત્વની વાત એ હતી કે જનરલી દરેક મૅરથૉન પૂરી કરવા કટ ઑફ ટાઇમ હોય છે. જોકે અહીંની કન્ડિશન એવી હતી કે ઑર્ગેનાઇઝરે એવો કોઈ કટ ઑફ ટાઇમ રાખ્યો નહોતો. અહીંના લોકલ્સ જ આ દોડમાં વિજયી થયા હતા, પણ અમારા માટે તો અમે દોડ પૂરી કરી એ જ અમારો વિજય હતો.’