૬ મે સુધી નામ પાછાં ખેંચી શકાશે.
પ્રતીકાત્મક ફાઇલ તસવીર
પાંચમા તબક્કામાં ૨૦ મેએ યોજાનારી લોકસભાની ચૂંટણીમાં ઉમેદવારી નોંધાવવાનો શુક્રવારે છેલ્લો દિવસ હતો. મહારાષ્ટ્રમાં મુંબઈ મેટ્રોપૉલિટન રીજન (MMR)ની ૧૦ સહિત ૧૩ બેઠક માટે વિવિધ પક્ષ અને અપક્ષો મળીને ૩૯૭ ઉમેદવારોએ ફૉર્મ ભર્યાં હોવાનું રાજ્યના મુખ્ય ચૂંટણી અધિકારીએ જણાવ્યું હતું. મુંબઈ નૉર્થમાં ૨૫, મુંબઈ નૉર્થ વેસ્ટમાં ૨૯, મુંબઈ નૉર્થ ઈસ્ટમાં ૩૪, મુંબઈ નૉર્થ સેન્ટ્રલમાં ૩૯, મુંબઈ સાઉથ સેન્ટ્રલમાં ૩૨, મુંબઈ સાઉથમાં ૨૧, થાણેમાં ૩૬, ભિવંડીમાં ૪૧, કલ્યાણમાં ૩૪, પાલઘરમાં ૧૭, નાશિકમાં ૩૯, ધુળેમાં ૩૦ અને ડિંડોરી લોકસભા બેઠકમાં વિવિધ પક્ષ અને અપક્ષ મળીને ૨૦ લોકોએ ઉમેદવારી નોંધાવી છે. ૬ મે સુધી નામ પાછાં ખેંચી શકાશે.
