Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > ભારતમાં ચીનની ‘ફેકમફેક’

ભારતમાં ચીનની ‘ફેકમફેક’

06 December, 2023 11:37 AM IST | New Delhi
Gujarati Mid-day Correspondent | feedbackgmd@mid-day.com

ભારતીયો તરીકેની ખોટી ઓળખ આપીને ચીનમાં બનાવવામાં આવેલાં અકાઉન્ટ્સ દ્વારા દેશમાં ફેક ન્યુઝ ફેલાવવાની કોશિશ

પ્રતીકાત્મક તસવીર

પ્રતીકાત્મક તસવીર


નવી દિલ્હી : મેટાના તાજેતરના રિપોર્ટમાં ભારતમાં ફેક ન્યુઝ ફેલાવવા માટે ચીન દ્વારા કરવામાં આવતા પ્રયાસો વિશે વિગતવાર જણાવવામાં આવ્યું છે. ચીનમાંથી બનાવવામાં આવેલાં ફેક ફેસબુક અકાઉન્ટ્સ દ્વારા આ ફેક ન્યુઝ ફેલાવીને જનતાનો ઑપિનિયન ખોટી રીતે બદલવા અને તેમને ગેરમાર્ગે દોરવાની કોશિશ કરવામાં આવી રહી છે. મેટાએ એના ​ત્રિમાસિક થ્રીટ રિપોર્ટમાં જણાવ્યું છે કે એણે આ વર્ષની શરૂઆતમાં ચીનમાંથી બનાવવામાં આવેલાં ફેક એકાઉન્ટ્સના એક મોટા નેટવર્કને ધ્વસ્ત કર્યું છે. 

આ અકાઉન્ટ્સ બનાવનાર પોતાની ઇન્ડિયન્સ તરીકે જ ઓળખ આપતા હતા. તેઓ ઇન્ડિયન પૉલિટિક્સ અને રાષ્ટ્રીય સુરક્ષાના મુદ્દાઓ વિશે ખોટી માહિતી ફેલાવતા હતા. અરુણાચલ પ્રદેશ પર ફોકસ કરાયેલાં અકાઉન્ટ્સ પર ભ્રષ્ટાચાર તેમ જ મણિપુરમાં વંશીય હિંસાને સપોર્ટ આપવાના ભારત સરકાર પર આરોપો મૂકવામાં આવતા હતા. આ કન્ટેન્ટ ઑથેન્ટિક લાગે એટલા માટે આ અકાઉન્ટ્સ પરથી એકબીજાની પોસ્ટ્સ પર કમેન્ટ્સ કરાતી હતી અને શૅર કરાતી હતી. મેટાએ દાવો કર્યો હતો કે એનાં તમામ પ્લૅટફૉર્મ્સ પરથી આવાં ફેક અકાઉન્ટ્સને બંધ કરવામાં આવ્યાં છે. 
આ રિપોર્ટમાં એમ પણ જણાવાયું છે કે ચીનમાં બનાવાયેલાં બીજાં ૪૭૦૦ ફેક અકાઉન્ટ્સ દ્વારા અમેરિકન પૉલિટિક્સને ટાર્ગેટ કરવામાં આવ્યું હતું જ્યાં અબૉર્શન, પ્રેસિડન્ટની ચૂંટણીના ઉમેદવારો તેમ જ અમેરિકા અને ચીન વચ્ચેના સંબંધો જેવા ટૉપિક્સ પર પોસ્ટ્સ કરવામાં આવતી હતી. 



પત્રકાર, લૉયર અને માનવાધિકાર ઍક્ટિવિસ્ટની ખોટી ઓળખ અપાતી હતી
આ રિપોર્ટમાં જણાવાયું હતું કે ‘ફેસબુક પર પત્રકાર, લૉયર અને માનવાધિકાર ઍક્ટિવિસ્ટ્સ તરીકેની ખોટી ઓળખ આપીને કાલ્પનિક લોકોનાં નામે આ અકાઉન્ટ્સને ઑપરેટ કરવામાં આવતાં હતાં. આ અકાઉન્ટ્સ પર મોટા ભાગે ઇંગ્લિશમાં જ પોસ્ટ્સ કરવામાં આવતી હતી. કેટલીક પોસ્ટ્સ હિન્દી અને ચાઇનીઝમાં પણ કરવામાં આવતી હતી. રિજનલ ન્યુઝ, કલ્ચર, સ્પોર્ટ્સ તેમ જ તિબેટ અને અરુણાચલ પ્રદેશમાં ટ્રાવેલિંગ વિશે પોસ્ટ્સ કરવામાં આવતી હતી. 


Whatsapp-channel Whatsapp-channel

06 December, 2023 11:37 AM IST | New Delhi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK