Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > અમેરિકામાં આઇટી એક્ઝિક્યુટિવ ભારતીયનું મારામારી પછી મૃત્યુ

અમેરિકામાં આઇટી એક્ઝિક્યુટિવ ભારતીયનું મારામારી પછી મૃત્યુ

11 February, 2024 09:50 AM IST | Washington
Gujarati Mid-day Correspondent | feedbackgmd@mid-day.com

વિવેક તનેજાની વૉશિંગ્ટનમાં એક રેસ્ટોરાંની બહાર બોલાચાલી પછી મારામારી થઈ હતી : અમેરિકામાં ભારતીયોને ટાર્ગેટ કરવાનો સિલસિલો અટકતો નથી

પ્રતીકાત્મક તસવીર

પ્રતીકાત્મક તસવીર


અમેરિકાથી ખાસ કરીને ભારતીયો સંબંધી આવી રહેલા દુખદ સમાચારોમાં ગઈ કાલે વધુ એકનો ઉમેરો થયો છે, જ્યારે વૉશિંગ્ટનમાં વિવેક તનેજાનું મૃત્યુ થયું હતું. બીજી ફેબ્રુઆરીની વહેલી સવારે બે વાગ્યાની આસપાસ એક રેસ્ટોરાંની પાસે તેમના પર હુમલો થયો હતો, જે જીવલેણ બન્યો હતો.

૪૧ વર્ષના ભારતીય મૂળના આઇટી એક્ઝિક્યુટિવ વિવેક તનેજાની અજાણી વ્યક્તિ સાથે બોલાચાલી થઈ હતી અને એ પછી તેમના પર હુમલો કરાયો હતો. તપાસકર્તાઓના જણાવ્યા અનુસાર બીજી ફેબ્રુઆરીએ સવારે બે વાગ્યાની આસપાસ શોટો રેસ્ટોરાંની બહાર ૧૫મી સ્ટ્રીટ નૉર્થવેસ્ટના ૧૧૦૦ બ્લૉક પાસે આ બનાવ બન્યો હતો. અધિકારીઓને ફુટપાથ પર વિવેક તનેજા ઈજાગ્રસ્ત હાલતમાં મળ્યો હતો અને તેને સારવાર માટે હૉસ્પિટલમાં લઈ જવામાં આવ્યો હતો.



વિવેક તનેજા અને એક અજાણ્યા માણસ વચ્ચે શરૂ થયેલી બોલાચાલી બાદમાં ગંભીર મારામારીમાં બદલાઈ હતી. આ દરમ્યાન વિવેક તનેજા જમીન પર પટકાયો અને તેનું માથું ફુટપાથ સાથે અથડાયું હતું. બુધવારે હૉસ્પિટલમાં સારવાર દરમ્યાન ગંભીર ઈજાના કારણે તેનું મૃત્યુ થયું હતું. પોલીસે હવે વિવેક તનેજાના મૃત્યુ મામલે હત્યાનો ગુનો નોંધી તપાસ હાથ ધરી છે. વિવેક તનેજા ડાયનેમો ટેક્નૉલૉજીના સહસ્થાપક અને પ્રમુખ હતા. કંપનીની વેબસાઇટ અનુસાર વિવેક તનેજા ડાયનેમોની વ્યૂહાત્મક, વૃદ્ધિ અને ભાગીદારી પહેલનું નેતૃત્વ કરે છે. 
પોલીસે આ મારામારીમાં સંડોવાયેલા વ્યક્તિની શોધ શરૂ કરી છે. આ વ્યક્તિ સર્વેલન્સ કૅમેરામાં કેદ થઈ હતી.


આ સપ્તાહની શરૂઆતમાં શિકાગો ખાતે ભારતીય વિદ્યાર્થી સૈયદ મઝહીર અલી પર લૂંટારુઓએ હુમલો કર્યો હતો. અગાઉ ૨૫ વર્ષના ભારતીય વિદ્યાર્થી વિવેક સૈની પર જ્યૉર્જિયા રાજ્યના લિથોનિયા શહેરમાં એક બેઘર ડ્રગ ઍડિક્ટ દ્વારા જીવલેણ હુમલો કરવામાં આવ્યો હતો. આ વર્ષે અમેરિકામાં ભારતીય મૂળના અન્ય ચાર વિદ્યાર્થીઓનાં મોત થયાં હોવાના અહેવાલ છે.


Whatsapp-channel Whatsapp-channel

11 February, 2024 09:50 AM IST | Washington | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK