Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > ક્યાંથી આવ્યો કોરોના વાયરસ? આખરે ત્રણ વર્ષે પડ્યો ફોડ, આ છે કોવિડનું ઉદ્ભવ સ્થાન

ક્યાંથી આવ્યો કોરોના વાયરસ? આખરે ત્રણ વર્ષે પડ્યો ફોડ, આ છે કોવિડનું ઉદ્ભવ સ્થાન

27 February, 2023 12:49 PM IST | New Delhi
Gujarati Mid-day Correspondent | feedbackgmd@mid-day.com

ચીન આ આરોપોને સતત નકારી રહ્યું છે. ચીનનું કહેવું છે કે આ વાયરસ તેમની લેબમાં નથી બન્યો, પરંતુ બહારથી આવ્યો છે. જોકે, ઘણી તપાસ એજન્સીઓએ આવા ઘણા પુરાવા રજૂ કર્યા, જેના કારણે સમગ્ર શંકા ચીન પર જાય છે

પ્રતીકાત્મક તસવીર

પ્રતીકાત્મક તસવીર


સમગ્ર વિશ્વમાં કોરોના (Coronavirus)નો કહેર કોઈનાથી છુપાયેલો નથી. જો કે ઘણા દેશો રસી બનાવવામાં સફળ થયા છે, પરંતુ આજે પણ કોરોનાનો એક પણ નવો કેસ હેલ્થ એજન્સીની ચિંતામાં વધારો કરે છે. વિશ્વભરની તપાસ એજન્સીઓ કોરોનાના ઉદ્ભવ સ્થાન માટે ચીન (China)ને જવાબદાર માને છે. એવો દાવો કરવામાં આવે છે કે આ વાયરસ ચીનની વુહાન લેબમાં બનાવવામાં આવ્યો હતો.

ચીન આ આરોપોને સતત નકારી રહ્યું છે. ચીનનું કહેવું છે કે આ વાયરસ તેમની લેબમાં નથી બન્યો, પરંતુ બહારથી આવ્યો છે. જો કે, ઘણી તપાસ એજન્સીઓએ આવા ઘણા પુરાવા રજૂ કર્યા, જેના કારણે સમગ્ર શંકા ચીન પર જાય છે.



હવે નવો ખુલાસો


અમેરિકાના ઊર્જા વિભાગે (US Energy Department) કોરોનાને લઈને એક નવો ખુલાસો કર્યો છે. ઊર્જા વિભાગે કહ્યું છે કે સંભવ છે કે કોરોના વાયરસનો ઉદ્ભવ ચીનની લેબોરેટરીમાંથી થઈ છે. વૉલ સ્ટ્રીટ જર્નલમાં પ્રકાશિત થયેલા અહેવાલમાં જણાવાયું હતું કે ઊર્જા વિભાગના તારણો નવી મળેલી ગુપ્ત માહિતીનું પરિણામ છે. એજન્સી પાસે નોંધપાત્ર વૈજ્ઞાનિક કુશળતા છે. ડિપાર્ટમેન્ટ ઑફ એનર્જીનો અહેવાલ વર્ગીકૃત ગુપ્તચર અહેવાલો દ્વારા સૂચિત કરવામાં આવ્યો છે, જે તાજેતરમાં વ્હાઇટ હાઉસ અને કૉંગ્રેસના મુખ્ય સભ્યોને સુપરત કરવામાં આવ્યો હતો.

કોરોના વાયરસ વુહાન લેબમાં થયેલા અકસ્માતનું પરિણામ


રિપોર્ટમાં કહેવામાં આવ્યું છે કે ઊર્જા વિભાગ વાયરસની ઉત્પત્તિ વિશે પહેલા અનિશ્ચિત હતો. જો કે, નેશનલ ઇન્ટેલિજન્સ એવરિલ હેન્સની ઑફિસના ડિરેક્ટર દ્વારા 2021નો દસ્તાવેજ વર્ણવે છે કે કેવી રીતે ગુપ્તચર સમુદાયના વિવિધ ભાગો રોગચાળાની ઉત્પત્તિ વિશે જુદા-જુદા નિષ્કર્ષ પર આવ્યા છે. રિપોર્ટમાં કહેવામાં આવ્યું છે કે કોવિડ-19 વાયરસ સંભવતઃ ચીનની લેબોરેટરીમાં થયેલા અકસ્માતથી ફેલાયો હતો. અગાઉ, વર્ષ 2021માં એફબીઆઈએ પણ તારણ કાઢ્યું હતું કે ચીનમાં લેબોરેટરી લીકને કારણે કોરોનાવાયરસ રોગચાળો આખા વિશ્વમાં ફેલાયો હતો. એજન્સી હજુ પણ તેના અભિગમ પર દ્રઢ છે.

આ પણ વાંચો: ઇટલી પાસે માઇગ્રન્ટ્સની બોટ તૂટતાં ૫૮નાં મોત

વાયરસની પ્રથમ પુષ્ટિ વુહાનમાં થઈ

ચીનના વુહાન શહેરમાં 2019ના અંતમાં કોરોના વાયરસની પ્રથમ પુષ્ટિ થઈ હતી. ત્યારથી, ચીનને તેના મૂળ માટે શંકાની નજરે જોવામાં આવે છે. વાસ્તવમાં ચીન પર ભૂતકાળમાં પણ આવા પ્રયોગો કર્યાનો આરોપ લાગ્યો છે. જો કે ચીને દર વખતે આ આરોપોને ફગાવી દીધા છે. ચીન કહે છે કે વાયરસ બહારથી આવ્યો છે અથવા પ્રાણીઓમાંથી માણસોમાં આવ્યો છે. જોકે, આ વાતની પુષ્ટિ થઈ નથી.

Whatsapp-channel Whatsapp-channel

27 February, 2023 12:49 PM IST | New Delhi | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK