ગરમીના દિવસોમાં હજી પણ દક્ષિણ ગુજરાત અને સૌરાષ્ટ્રમાં કમોસમી વરસાદની આગાહી હવામાન વિભાગે કરી છે
પ્રતીકાત્મક ફાઇલ તસવીર
માવઠામાંથી બહાર નીકળેલા ગુજરાત પર હવે ગરમીનો પ્રકોપ શરૂ થયો છે. અમદાવાદમાં ગઈ કાલે ગરમીનો પારો ૪૧ ડિગ્રીને પાર પહોંચ્યો હતો. બીજી તરફ ગરમીના દિવસોમાં હજી પણ દક્ષિણ ગુજરાત અને સૌરાષ્ટ્રમાં કમોસમી વરસાદની આગાહી હવામાન વિભાગે કરી છે. ગરમીના પ્રકોપ વચ્ચે ૧૩ એપ્રિલે દક્ષિણ ગુજરાતના વલસાડ, નવસારી અને સુરત જિલ્લામાં તેમ જ સૌરાષ્ટ્રના અમરેલી અને ભાવનગર જિલ્લામાં ગાજવીજ સાથે હળવો વરસાદ પડવાની આગાહી હવામાન વિભાગે કરી છે.
