° °

આજનું ઇ-પેપર
Wednesday, 06 July, 2022


લેડીઝ કૉલેજ સવારની છે એટલે અમારી કૉલેજ પણ સવારની કરો

21 June, 2022 08:09 AM IST | Ahmedabad
Gujarati Mid-day Correspondent | feedbackgmd@mid-day.com

ગુજરાતના મુખ્ય પ્રધાન ભૂપેન્દ્ર પટેલે અમદાવાદના સ્ટુડન્ટ્સને એવા આંદોલનની વાત કરી જે સાંભળીને કૉલેજિયનો તો ઠીક, કૉલેજનો સ્ટાફ પણ હસવાનું રોકી ન શક્યો

એલ. ડી. કૉલેજ ઑફ એન્જિનિયરિંગમાં હળવા હાસ્ય સાથે સંબોધન કરી રહેલા ભૂપેન્દ્ર પટેલ

એલ. ડી. કૉલેજ ઑફ એન્જિનિયરિંગમાં હળવા હાસ્ય સાથે સંબોધન કરી રહેલા ભૂપેન્દ્ર પટેલ

અમદાવાદમાં આવેલી ગુજરાતની સૌથી જૂની અને જાણીતી એલ. ડી. કૉલેજ ઑફ એન્જિનિયરિંગનાં ૭૫ વર્ષ પૂરાં થયાં એ પ્રસંગે ડાયમન્ડ જ્યુબિલીની ઉજવણી નિમિત્તે ગઈ કાલે યોજાયેલા સમર્પણ સમારોહમાં ગુજરાતના મુખ્ય પ્રધાન ભૂપેન્દ્ર પટેલે સ્ટુડન્ટ્સને એવા આંદોલનની વાત કરી હતી જે સાંભળીને કૉલેજિયનો તો ઠીક, કૉલેજ સ્ટાફ સહિત ઑડિયન્સમાં ઉપસ્થિત સૌકોઈ હસવું રોકી શક્યા નહોતા અને બધા ખડખડાટ હસી પડ્યા હતા.

અમદાવાદની એલ. ડી. કૉલેજ ઑફ એન્જિનિયરિંગની સ્થાપનાનાં ૭૫ વર્ષ પૂરાં થયાં એ બદલ કૉલેજ પરિવારને મુખ્ય પ્રધાન ભૂપેન્દ્ર પટેલે શુભકામના આપી હતી અને વિદ્યાર્થીઓ સાથે હળવી શૈલીમાં પોતાના કૉલેજકાળ દરમ્યાનની યાદો તાજી કરી હતી. એ સમયે થયેલા આંદોલનની વાત કરતાં ભૂપેન્દ્ર પટેલે હળવા સ્મિત સાથે કહ્યું હતું કે ‘એ સમયે વિદ્યાર્થીઓએ કહ્યું કે કૉલેજ સવારની કરો. કૉલેજ સવારની શા માટે કરવી એની પાછળનું કારણ પાછું એવું હતું કે અત્યારે કહીએ તો મુશ્કેલી પડે એમ છે. પણ ત્યારે એવું કહ્યું હતું કે લેડીઝ કૉલેજ સવારની છે એટલે અમારી કૉલેજ સવારની કરો. આનાંય આંદોલન થયાં છે.’

આમ કહેતાં જ ઑડિયન્સમાં બેઠેલા વિદ્યાર્થીઓ, પ્રોફેસરો સહિત કૉલેજનો સ્ટાફ અને આમંત્રિતો પણ હસી પડ્યા હતા અને હૉલમાં હાસ્યનું મોજું ફેલાઈ ગયું હતું. લેડીઝ કૉલેજની વાત કરીને ભૂપેન્દ્ર પટેલ પોતે પણ હસી પડ્યા હતા અને તેમની વાત સાંભળીને સ્ટુડન્ટ્સ સહિતનો સ્ટાફ પણ ખડખડાટ હસી પડ્યો હતો.

21 June, 2022 08:09 AM IST | Ahmedabad | Gujarati Mid-day Correspondent

અન્ય લેખો

ગુજરાત સમાચાર

ગુજરાત સીએમ ભૂપેન્દ્ર પટેલે સોનાના ઝાડૂથી સાફ કર્યો રસ્તો અને શરૂ થઈ રથયાત્રા

અમદાવાદમાં યાત્રાની શરૂઆત શુક્રવારે 1 જુલાઈથી શરી થઈ. રાજ્યના સીએમ ભૂપેન્દ્ર પટેલે (CM Bhupendra Patel) વિધિસર પહિંદ વિધિ દ્વારા રથયાત્રાની શરૂઆત કરી છે. આ અવસરે તેમણે સોનાનાં ઝાડૂથી રસ્તો સાફ કર્યો.

01 July, 2022 01:25 IST | Mumbai | Gujarati Mid-day Online Correspondent
ગુજરાત સમાચાર

રથયાત્રાની પહિંદ વિધિની પરંપરાને કોરોનાનું ગ્રહણ

અમદાવાદની રથયાત્રાની આ વિધિ વર્ષોથી માત્ર ગુજરાતના મુખ્ય પ્રધાન કરે છે, પરંતુ મુખ્ય પ્રધાન ભૂપેન્દ્ર પટેલ કોરોનાગ્રસ્ત થતાં આ પરંપરા તૂટવાની શક્યતા

30 June, 2022 08:45 IST | Ahmedabad | Gujarati Mid-day Correspondent
ગુજરાત સમાચાર

કોરોનાને કારણે પડેલા બે વર્ષના બ્રેક બાદ ગુજરાતમાં ૧૮૦ રથયાત્રાઓ યોજાશે

અમદાવાદમાં મુખ્ય પ્રધાન ભૂપેન્દ્ર પટેલ પહેલી વાર કરશે પહિંદ વિધિ, રથયાત્રાને લઈને મંદિરમાં તૈયારીઓ શરૂ, વાજતે-ગાજતે થયું મામેરું, સાત જોડ વાઘા અને ઘરેણાં મંદિરમાં અપાયાં

28 June, 2022 09:05 IST | Ahmedabad | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK