વિશ્વનો સૌથી મોંઘો ડૉગ જેની કિંમત છે ૭.૩૦ લાખ રૂપિયા

નૉર્થ યૉર્કશૉ કાઉન્ટીમાં આવેલા સ્કિપ્ટન નામના શહેરમાં યોજાયેલી હરાજીમાં ૧૮ મહિનાની ઉંમરના શીપ નામના આ ડૉગની આટલી કિંમત ઊપજી હતી. અત્યાર સુધી ડેવી ફેન નામનો ૧૩ મહિનાનો ડૉગી વિશ્વનો સૌથી મોંઘા ડૉગ ગણાતો હતો. આ ડૉગી ગયા વર્ષે ૬૩૦૦ પાઉન્ડ (આશરે ૫.૪૬ લાખ રૂપિયા)માં વેચાયો હતો.

ગયા અઠવાડિયે થયેલી હરાજીમાં એડી થૉર્નએલી નામના ૪૫ વર્ષના બ્રિટિશરે સૌથી ઊંચી બોલી લગાવીને આ માદા ડૉગને ખરીદી લીધો હતો. આટલી ઊંચી કિંમતનું કારણ એ છે કે આ ડૉગ અત્યંત ઝડપથી દોડી શકે છે એટલું જ નહીં, એનો સ્વભાવ તદ્દન શાંત છે. શૉન રિચર્ડ્સ નામના આંતરરાષ્ટ્રીય ખ્યાતિપ્રાપ્ત બ્રીડરે આ ડૉગીને ટ્રેઇન કર્યો છે.