વિશ્વમાં પહેલી વાર પાણીનાં મોજાંમાંથી સંગીતનું સર્જન
વિશ્વમાં પહેલી વાર આ રીતે પાણીનાં મોજાંમાંથી સંગીત પેદા કરવામાં આવ્યું છે. ડૉ. ઍલેક્સિસ કર્કિ નામના આ સંગીતકારે બ્રિટનના ડેવૉન શહેરમાં આવેલી યુનિવર્સિટી ઑફ પ્લેમાઉથના સ્વિમિંગ પુલમાં ખાસ પ્રકારના મૉશન સેન્સરની મદદથી પાણીના પ્રવાહને નિયંત્રિત કરીને સંગીત પેદા કર્યું હતું. આ માટે સ્વિમિંગ પૂલમાં ૨૪ વિશાળ હોજ બનાવવામાં આવ્યા હતા. સંગીતના સૂરો પ્રમાણે તેમાંથી પાણી છોડવામાં આવતું હતું. કર્કિએ આ રીતે સતત ૧૨ મિનિટ સુધી સંગીતની સુરાવલિઓ છેડી હતી. બાદમાં અનેક લોકોએ આ મ્યુઝિક ખરીદવાની ઈચ્છા વ્યક્ત કરી હતી.
