કોરોનાના ડર વચ્ચે ગોરેગામ પોલીસ સ્ટેશનમાં ઑફિસરનો બર્થ-ડે મનાવાયો

Published: May 16, 2020, 10:33 IST | Mumbai Correspondence | Mumbai Desk

ફ્રન્ટલાઇન પર કામ કરી રહેલા શહેરના ૪૪૦ પોલીસ-કર્મચારીઓને ૨૦ જ દિવસમાં કોરોના વાઇરસનું સંક્રમણ થયું હોવા છતાં લૉકડાઉનના નિયમનું ઉલ્લંઘન કરવામાં આવ્યું.

ગોરેગામ પોલીસ સ્ટેશનનાં કરાઈ રહેલી બર્થ ડેની ઉજવણી
ગોરેગામ પોલીસ સ્ટેશનનાં કરાઈ રહેલી બર્થ ડેની ઉજવણી

મુંબઈમાં કોરોનાને લીધે ૬ પોલીસ-કર્મચારીઓ મૃત્યુ પામ્યા છે ત્યારે ગોરેગામમાં એક પોલીસ અધિકારીની બર્થ-ડેની ઉજવણી કરવામાં આવી હતી. ફ્રન્ટલાઇન પર કામ કરી રહેલા શહેરના ૪૪૦ પોલીસ-કર્મચારીઓને ૨૦ જ દિવસમાં કોરોના વાઇરસનું સંક્રમણ થયું હોવા છતાં લૉકડાઉનના નિયમનું ઉલ્લંઘન કરવામાં આવ્યું.

ગોરેગામ પોલીસ-સ્ટેશન સાથે સંકળાયેલા પોલીસ સબ-ઇન્સ્પેક્ટર દિલીપ ઠાકુરના જન્મદિન નિમિત્તે પોલીસ-સ્ટેશનમાં બર્થ-ડેની ઉજવણી કરવામાં આવી હતી, જેમાં ૧૫થી વધુ લોકોએ ભાગ લીધો હતો એવો વિડિયો વાઇરલ થયો છે.
આ ઘટના બાબતે મુંબઈ પોલીસના ઝોન-૧૧ના ડેપ્યુટી પોલીસ કમિશનર મોહન દહિકરે કહ્યું કે ‘અત્યારે મારી તબિયત સારી ન હોવાથી હું રજા પર છું. પોલીસ-સ્ટેશનમાં આજની સ્થિતિમાં બર્થ-ડેની ઉજવણી કરવી યોગ્ય નથી. આની તપાસ કરીને યોગ્ય કાર્યવાહી કરવામાં આવશે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK