આજે શાહરુખ ૮ વર્ષે સુરતમાં

Published: 1st October, 2011 21:26 IST

બૉલીવુડનો બાદશાહ ગણાતો શાહરુખ ખાન આઠ વર્ષે‍ આજે સુરતની ફરી મુલાકાત લઈ રહ્યો છે. ઝી ટીવીના સિન્ગિંગના રિયલિટી શો ‘સા રે ગા મા પા લિ’લ ચૅમ્પ્સ’ની ફાઇનલનું આયોજન દેશના ડાયમન્ડ હબ સુરતના ભટાર વિસ્તારમાં આવેલા સધર્ન ગુજરાત ચૅમ્બર ઑફ કૉમર્સ ઍન્ડ ઇન્ડસ્ટ્રીના ટ્રેડ હાઉસના વિશાળ હૉલમાં કરવામાં આવ્યું છે.

 

આ ફાઇનલમાં શાહરુખ ખાન મુખ્ય મહેમાન તરીકે હાજર રહેશે. પોતાની આગામી ફિલ્મ ‘Ra.One’ના પ્રમોશન માટે લિ’લ ચૅમ્પ્સની ફાઇનલમાં પહોંચવા માટે શાહરુખ ખાન વિશેષ ચાર્ટર્ડ પ્લેનનો ઉપયોગ કરવાનો છે અને બપોરે ૨.૦૦ વાગ્યાની આસપાસ સુરત પહોંચવાનો છે. બપોરે ૩.૦૦ વાગ્યાથી લઈને રાતે ૮.૦૦ વાગ્યા સુધી સુરતમાં આયોજિત ફાઇનલમાં શાહરુખ હાજર રહેશે. જોકે તે કાર્યક્રમમાં પર્ફોર્મ કરશે કે નહીં એ વિશે હજી સુધી સસ્પેન્સ રાખવામાં આવ્યું છે. શાહરુખની હાજરીને ધ્યાનમાં લેતાં સુરક્ષાના પગલારૂપે આ કાર્યક્રમના પાસ સામાન્ય લોકો માટે ઉપલબ્ધ કરાવવામાં નથી આવ્યા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK