મુંબઈમાં ત્રણ દિવસ ભારે વરસાદની શક્યતા

Published: 2nd August, 2020 08:00 IST | Agencies | Mumbai

વેધશાળાએ મુંબઈમાં આવતી કાલથી ત્રણ દિવસ સુધી ભારેથી અતિભારે વરસાદની આગાહી ગઈ કાલે કરી હતી.

પ્રતીકાત્મક તસવીર
પ્રતીકાત્મક તસવીર

વેધશાળાએ મુંબઈમાં આવતી કાલથી ત્રણ દિવસ સુધી ભારેથી અતિભારે વરસાદની આગાહી ગઈ કાલે કરી હતી. ૩ ઑગસ્ટથી પાંચમી ઑગસ્ટ દરમ્યાન ૨૪ કલાકમાં ૩ ઇંચથી ૮ ઇંચ વરસાદ પડી શકે છે. મુંબઈમાં છેલ્લા કેટલાક દિવસથી હળવોથી મધ્યમ વરસાદ પડી રહ્યો છે આથી આગાહી મુજબ સારો વરસાદ થશે તો મુંબઈગરાઓને રાહત થશે.

હવામાન ખાતાની આગાહી મુજબ મુંબઈ ઉપરાંત મહારાષ્ટ્રના રાયગડ, રત્નાગિરિ, સિંધુદુર્ગ, પુણે, કોલ્હાપુર, સાંગલી, બીડ, લાતુર અને ઉસ્માનાબાદમાં પણ ભારેથી અતિભારે વરસાદ પડી શકે છે.

ભારતીય વેધશાળાના ક્લાસિફિકેશન મુજબ ભારેથી અતિ ભારે વરસાદનો અર્થ ૨૪ કલાકમાં ૬૪.૫ મિમી એટલે કે ૩ ઇંચથી ૨૦૪.૪ મિમી એટલે કે ૮ ઇંચ જેટલો વરસાદ.

હવામાન વિભાગની આગાહી જો સાચી પુરવાર થશે તો મુંબઈને માથે તોળાઈ રહેલા પીવાના પાણીના સંકટમાં રાહત થશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK