પ્રી-પેઇડ મોબાઇલ નંબર પરથી ઇન્ટરનૅશનલ કૉલ બંધ થઈ જશે
પ્રી-પેઇડ કનેક્શન ધરાવતા મોબાઇલધારકો ટૂંક સમયમાં તેમના ફોન પરથી ઇન્ટરનૅશનલ કૉલ નહીં કરી શકે. ગઈ કાલે ટેલિકૉમ સેક્ટરનું રેગ્યુલેશન કરતી સંસ્થા ટેલિકૉમ રેગ્યુલેશન ઑથોરિટી ઑફ ઇન્ડિયા એ પ્રી-પેઇડ મોબાઇલ કનેક્શન પરથી ઇન્ટરનૅશનલ સબસ્ક્રાઇબર ડાયલિંગ (આઇએસડી) સર્વિસ બંધ કરવાનો આદેશ મોબાઇલ કંપનીઓને આપ્યો હતો. જે પ્રી-પેઇડ કસ્ટમર તેમના ફોન પર આઇએસડી સર્વિસ ચાલુ રાખવા માગતા હશે તેઓ મોબાઇલ કંપનીને જણાવીને એ ચાલુ રખાવી શકશે.
ADVERTISEMENT
ટ્રાઇએ આ વિશે SMS દ્વારા ગ્રાહકોને સૂચના આપવા મોબાઇલ કંપનીઓને આદેશ આપ્યો હતો. મોબાઇલ કંપનીઓ ટૂંક સમયમાં SMS દ્વારા પ્રી-પેઇડ ગ્રાહકોને જાણકારી આપશે કે તેમની આઇએસડી સર્વિસ ૬૦ દિવસમાં બંધ થઈ જશે. વિદેશમાંથી છેતરપિંડીના ઇરાદે કરવામાં આવતા કૉલ્સ સામે અનેક લોકોએ ફરિયાદ કરતાં ટ્રાઇએ આ નિર્ણય લીધો હતો. અનેક મોબાઇલધારકોએ તેઓ ઇનામ કે લૉટરી જીત્યા હોવાની જાણકારી આપતો કૉલ વિદેશમાંથી આવ્યો હોવાની ફરિયાદ કરી હતી.
