અચાનક ખબર પડી કે ઘરમાં મૂકેલો અરીસો તો ફ્રાન્સની રાણીનો હતો, જેની કિંમત છે આટલી

બ્રિટનમાં રહેતા એક પરિવારના ઘરના બાથરૂમમાં વીસ ઇંચ બાય ૧૬ ઇંચનો એક અરીસો મૂકેલો હતો. છેલ્લાં ચાળીસ વર્ષથી આ ઘરના માલિકે આ અરીસો એમ જ બાથરૂમમાં ટીંગાયેલો રાખ્યો હતો. એ વખતે તેને ખબર પણ નહોતી કે તે જે અરીસામાં રોજ પોતાનું મોં જુએ છે એ કોઈ ખાસ છે અને એની કિંમત ક્યારેક લાખોમાં થશે. એ તો જ્યારે એને વેચવા કાઢ્યો ત્યારે તેની ખરી કિંમત થઈ.

આ કોઈ રૉયલ ખાનદાનનો પીસ હોવાનું અનુમાન લાગતાં આ મિરરને ઇસ્ટ બ્રિસ્ટોલ ઑક્શન હાઉસે વધુ તપાસ માટે મોકલ્યો હતો. એની કિનારી પર લાગેલા ખાસ પાંદડા અને ડેકોરેશન પરથી ખબર પડી હતી કે એ ફ્રાન્સની છેલ્લી રાણી મારી ઍન્ટોઇનેટનો હતો. નિષ્ણાતોના અંદાજ મુજબ આ મિરર ઑક્શનમાં ૧૩ હજાર અમેરિકન ડૉલર એટલે કે લગભગ ૯૭ લાખ રૂપિયા રળી લાવી શકે એમ છે.