53 કરોડના હીરા અને રત્નજડિત પર્સ બનાવ્યું છે ઇટલીની એક લક્ઝરી બ્રૅન્ડે

Published: 29th November, 2020 07:15 IST | Gujarati Mid-day Correspondent | Italy

ઇટલીની લક્ઝરી બ્રૅન્ડે નવી લૉન્ચ કરેલી પર્સનો ફોટો એની વિશેષતાઓ સાથે ઇન્સ્ટાગ્રામ પર શૅર કર્યો છે.

હીરા અને રત્નજડિત પર્સ
હીરા અને રત્નજડિત પર્સ

ઇટલીની લક્ઝરી બ્રૅન્ડે નવી લૉન્ચ કરેલી પર્સનો ફોટો એની વિશેષતાઓ સાથે ઇન્સ્ટાગ્રામ પર શૅર કર્યો છે. છ અબજ યુરોની એટલે કે લગભગ ૫૩ કરોડ રૂપિયાની આ બૅગ મગરની ચામડીમાંથી બનાવાઈ છે. આ ઉપરાંત બૅગને ૧૦ વાઇટ ગોલ્ડ પતંગિયાંથી શણગારવામાં આવી છે, જેમાં હીરા અને દુર્લભ રત્નો જડવામાં આવ્યાં છે.

બૅગ સાથેની કૅપ્શનમાં લખ્યું છે, ‘આટલી મોંઘી બૅગ લૉન્ચ કરવાનો મૂળ હેતુ નૉન-બાયોડિગ્રેડેબલ પ્લાસ્ટિકથી સમુદ્રનું રક્ષણ કરવાનો છે. બૅગના વેચાણથી થતી આવકમાંથી ૮ લાખ યુરો સમુદ્રની સફાઈ કરવા માટે દાન આપવામાં આવશે.’ જોકે એક તરફ મગરની ત્વચા વાપરવાની અને બીજી તરફ સમુદ્રની સફાઈ માટે પૈસા આપવાનું બેવડું વલણ નેટિઝન્સને બહુ ગળે ઊતર્યું નથી. મગરની ચામડી વાપરવા બાબતે ઊહાપોહ ન થાય એ માટે કંપની ખોટો દંભ કરી રહી હોવાના આક્ષેપો થઈ રહ્યા છે..

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK