દિલ્હીની રેસ્ટોરાંમાં પિરસાય છે આર્ટિકલ 370 થાળી, જાણો શું છે ખાસ
આર્ટિકલ 370 થાળી
જમ્મુ-કાશ્મીરમાંથી ૩૭૦ની કલમ હટાવી દેવામાં આવી છે ત્યારથી આ ૩૭૦ના આંકડા સાથે ઘણાં ગિમિક્સ થઈ રહ્યાં છે. દિલ્હીના કનોટ પ્લેસમાં પણ આર્ટિકલ ૩૭૦ નામની થાળી શરૂ થઈ છે. આ સુપરસાઇઝ થાળીમાં ભારતના વિવિધ રાજ્યોની ફ્લેવર્સ માણવા મળે છે, પરંતુ કાશ્મીરી ખાસિયતો એમાં વિશેષ છે. શાકાહારી અને માંસાહારી એમ બન્ને સ્વરૂપે એ થાળે મળે છે. વેજિટેરિન થાળીમાં કાશ્મીરી પુલાવ, ખમીર કી રોટી, નદરુકી શામી, દમ આલુ અને કાવા જેવી કાશ્મીરી ચીજો ઉપરાંત બીજી અનેક વરાયટીઝ મળે છે. આ થાળીની કિંમત છે ૨,૩૭૦ રૂપિયા. જોકે તમે જમ્મુ-કાશ્મીરના રહેવાસી હો તો આ રેસ્ટોરાં થાળી પર તમને ૩૭૦ રૂપિયાનું ડિસ્કાઉન્ટ મળશે.
આ પણ વાંચો : તોફાનથી બચાવવા માટે પ્રાણીપ્રેમીએ 97 ડૉગીઓને પોતાના ઘરમાં આશરો આપ્યો
ADVERTISEMENT
અલબત્ત, તમે માત્ર જમ્મુ-કાશ્મીરના રહેવાસી છો એવું કહેવાથી નહીં ચાલે, એનું સરકારી ઓળખપત્ર બતાવવું જરૂરી છે. આર્ડર ૨.૧ નામની આ રેસ્ટોરાંમાં આએદિન આવાં માર્કેટિંગ ગિમિક થતાં રહે છે. આ પહેલાં મોદીજી ૫૬ ઇંચ થાળી અને બાહુબલિ થાળી પણ લોકપ્રિય થઈ ચૂકી છે. લોકસભાની ચૂંટણી દરમ્યાન અહીં યુનાઇટેડ ઇન્ડિયા થાળી પણ રજૂ કરવામાં આવી હતી.