સાડી પહેરીને વેઇટ-લિફ્ટિંગ અને સ્ક્વૉટ્સ કરતાં 82 વર્ષનાં આ દાદીને જોયાં કે નહીં?

Published: 26th November, 2020 07:28 IST | Gujarati Mid-day Correspondent | New Delhi

સોશ્યલ મીડિયા પર એક વિડિયો વાઇરલ થયો છે જેમાં ૮૨ વર્ષનાં સાડી પહેરેલાં દાદી વેઇટ-લિફ્ટિંગ કરે છે તેમ જ સ્ક્વૉટ્સ પણ કરે છે.

સાડી પહેરીને વેઇટ-લિફ્ટિંગ અને સ્ક્વૉટ્સ કરતાં 82 વર્ષનાં દાદી
સાડી પહેરીને વેઇટ-લિફ્ટિંગ અને સ્ક્વૉટ્સ કરતાં 82 વર્ષનાં દાદી

સોશ્યલ મીડિયા પર એક વિડિયો વાઇરલ થયો છે જેમાં ૮૨ વર્ષનાં સાડી પહેરેલાં દાદી વેઇટ-લિફ્ટિંગ કરે છે તેમ જ સ્ક્વૉટ્સ પણ કરે છે. ચેન્નઈના જિમ ટ્રેઇનર ચિરાગ ચોરડિયાએ પોતાનાં દાદીનો વિડિયો ઇન્સ્ટાગ્રામ અકાઉન્ટ પર પોસ્ટ કર્યો છે. ચિરાગનું કહેવું છે કે તેનાં દાદી નાની વયથી જ ખૂબ ઍક્ટિવ અને એનર્જેટિક હતાં. લગ્ન પછી પણ તે પોતાને ફિઝિકલ ઍક્ટિવિટીમાં વ્યસ્ત રાખતાં હતાં. જોકે થોડા સમય પહેલાં તેમને ઘૂંટીમાં ઈજા થયા બાદ ત્રણ મહિના સુધી ચાલી ન શકવાથી તેમની પ્રવૃત્તિઓ લગભગ બંધ થઈ ગઈ હતી. ત્યાર બાદ સાત મહિના પહેલાં તેઓ પલંગ પરથી પડી જતાં તેમની સ્થિતિ વધુ કફોડી થઈ હતી. વાંકા વળીને જમીન પરથી ચીજો ઉઠાવવામાં પણ તેમને તકલીફ પડવા માંડી.

જોકે તેમના જિમ-ટ્રેઇનર પૌત્ર ચિરાગે તેમને સ્ટ્રેચિંગ અને વેઇટ-ટ્રેઇનિંગની તાલીમ આપવાનું શરૂ કર્યું. મહિનાઓની ટ્રેઇનિંગ પછી હવે આ દાદી જે મસ્ત વેઇટ-ટ્રેઇનિંગ કરે છે એ જોઈને દંગ રહી જવાય એવું છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK