જાડીપાડી બિલાડીને કસરત કરવા ટ્રેડમિલ પર મૂકો તો સૂઈ જાય છે
બિલાડીને કસરત કરવા ટ્રેડમિલ પર મૂકો તો સૂઈ જાય
પાળેલાં પ્રાણીઓને તમે જેટલાં વધુ લાડ લડાવો એટલું તેના શરીર પર ચરબીનું લેયર દેખાવા લાગે છે. શરીરને જરાય કષ્ટ ન પડે એવી આળપંપાળ માત્ર માણસોને જ નહીં, પ્રાણીઓને પણ અદોદળાં કરી નાખે છે. ફ્લૉરિડાના ગેઇન્સવિલ ટાઉનમાં રહેતી લી નામની મહિલાએ પાળેલી લાર્ડી લૈલા નામની બિલાડી ખરેખર લાટસાહેબ જેવા ઠાઠથી રહી છે અને એને કારણે એનું વજન કૂદકે ને ભૂસકે વધી ગયું. જાડીપાડી બિલાડીની તબિયત કથળશે એ વિચારે લીબહેને એની મેડિકલ તપાસ માટે પણ પાછું વળીને નથી જોયું.
આ પણ વાંચો: નીતા અંબાણીનું આ હેન્ડબેગ છે દુનિયાનું સૌથી મોંઘુ, કિંમત જાણીને ચોંકી જશો
ADVERTISEMENT
ફ્લૉરિડાની યુનિવર્સિટીના નિષ્ણાતોએ લાર્ડી લૈલાને કસરત કરાવવાની જરૂર છે એવું કહ્યું છે, પણ હવે એશોઆરામની શોખીન લૈલાને ચાલવા જવું જરાય ગમતું જ નથી. તેની માલિકણ તેને પરાણે ટ્રેડમિલ પર મૂકી દે તો બહેનબા જાણે બેભાન થઈ ગયાં હોય એવો ડોળ કરીને ટ્રેડમિલના પટ્ટા પર જ સૂઈ જાય છે. ચાલવા જવાનું તો તેને દિઠ્ઠુંય ગમતું નથી. ટ્રેડમિલ પર પોઢી જતી આ બિલાડીનો વિડિયો સોશ્યલ મીડિયામાં જબરો વાઇરલ થયો છે.
