જૂનાગઢની એ સ્કૂલના એક પગથિયા પર પાપડ શેકાય છે

Published: Nov 17, 2011, 09:13 IST

જૂનાગઢ જિલ્લામાં આવેલા ગીર-ગઢડા ગામની પ્રાથમિક સ્કૂલની સીડીનું એક પગથિયું છેલ્લા બે દિવસથી એવું તે ગરમ થવા લાગ્યું છે કે પગથિયા પર પગ મૂકી શકાતો નથી. ગીર-ગઢડા પ્રાથમિક સ્કૂલના પ્રિન્સિપાલ એમ. વી. વેકરિયાએ કહ્યું હતું કે  ‘છેલ્લા બે દિવસથી આવું બની રહ્યું છે.

 

 

 

પગથિયા પર પાણીની છાલક મારો તો અડધી મિનિટમાં પાણી ઊડી જાય છે. હવે તો આ પગથિયે પાપડ પણ શેકાઈ જાય છે.’

પગથિયું ગરમ થવાના સમાચાર પછી ગામના લોકો માટે તો ઠીક આજુબાજુનાં ગામના લોકો માટે પણ આ ઘટના એક જોણું બની ગઈ છે. લોકો હાથમાં પાપડ લઈને પગથિયે શેકવા આવે છે અને પાપડ શેકાઈ જાય એટલે એકબીજાને પાપડ દેખાડે છે. ગીર-ગઢડાની સ્કૂલનું પગથિયું ગરમ થવાના ન્યુઝ મળ્યા પછી જૂનાગઢના કલેક્ટર એ. એસ. પટેલે એક ટીમ સ્કૂલમાં મોકલી હતી. આ ટીમે પણ એવો જ રિપોર્ટ આપ્યો છે કે પગથિયું ગરમ થઈ રહ્યું છે. જૂનાગઢના કલેક્ટર એ. એસ. પટેલ કહે છે, ‘હવે અમે ગાંધીનગરથી ટીમ બોલાવી છે. એ ટીમ આવે પછી આગળના રિપોર્ટની ખબર પડશે.’

ધારણા એવી મૂકવામાં આવે છે કે સ્કૂલની જમીન નીચે ગરમ પાણીના ઝરા હોવા જોઈએ. ગીર-ગઢડાથી બાવીસ કિલોમીટર દૂર આવેલા તુલસીશ્યામ નામના ગામમાં ગરમ પાણીના ઝરા ઑલરેડી છે, જ્યાં ચોવીસે કલાક ગરમ પાણી ઝરી રહ્યું છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK