મૉડર્ન યુગમાં ૫૫ વર્ષે શરૂ થાય છે મિડલ એજ

Published: 20th September, 2012 06:04 IST

આવનારા સમયમાં ૪૦ વર્ષની વ્યક્તિને મધ્યવયસ્ક કહેતાં પહેલાં બે વાર વિચારવું પડશે. બ્રિટનમાં થયેલા નવા સર્વે મુજબ આધુનિક યુગમાં ૫૫ વર્ષની વયથી મિડલ એજનો પ્રાંરભ થાય છે.


૫૦થી વધુ વર્ષની ઉંમરના એક હજારથી વધારે લોકોને આવરી લેતા સર્વેમાં મોટા ભાગના લોકોનું માનવું હતું કે ૭૦ વર્ષની ઉંમર થાય નહીં ત્યાં સુધી તેઓ પોતાને વૃદ્ધ ગણતા નથી. અગાઉના સર્વેમાં ૩૬ વર્ષની ઉંમરથી જ મિડલ એજનો પ્રારંભ થાય છે એવું માનવામાં આવતું હતું.

એક ઑનલાઇન લર્નિંગ વેબસાઇટ દ્વારા કરવામાં આવેલા આ સર્વેમાં પાંચમાંથી એક વ્યક્તિનું માનવું હતું કે મિડલ એજ જેવું કશું હોતું જ નથી. આ સર્વેમાં લોકોને પૂછવામાં આવ્યું હતું કે તેમના મતે મિડલ એજની શરૂઆત કયા વર્ષથી થાય છે અને કયા વર્ષે એનો અંત આવે છે? મોટા ભાગના લોકોના મતે ૫૫ વર્ષથી મિડલ એજનો પ્રારંભ થાય છે અને ૬૯ વર્ષ અને ૨૭૭ દિવસની ઉંમરે એનો અંત આવે છે. એટલે કે એ પછી વૃદ્ધાવસ્થાની શરૂઆત થાય છે. આ તારણનો એક અર્થ એ પણ છે કે મિડલ એજ હવે ૧૪ વર્ષ લાંબી ચાલે છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK