મિડ-ડેના ફોટોગ્રાફરે પોતાની બાઇકનું પાર્કિંગ ભોઈવાડામાં કર્યું ન હોવા છતાં ૧૦ ઈ-ચલાન મોકલવામાં આવ્યા

સૂરજ ઓઝા | મુંબઈ | Aug 16, 2019, 11:20 IST

અત્યાર સુધીમાં ૧૦ ઈ-ચલાન મેળવી ચૂકેલા સુરેશે ખોટાં ઈ-ચલાન ઇશ્યુ કરવા બદલ પોલીસ-ફરિયાદ નોંધાવી છે, પરંતુ તેને હજી સુધી કોઈ જવાબ મળ્યો નથી.

મિડ-ડેના ફોટોગ્રાફરે પોતાની બાઇકનું પાર્કિંગ ભોઈવાડામાં કર્યું ન હોવા છતાં ૧૦ ઈ-ચલાન મોકલવામાં આવ્યા
‘મિડ-ડે’ના લેન્સમૅન સુરેશ કેકે

વાહનચાલકોને નો-પાર્કિંગમાં વાહન પાર્ક કરવા બદલ ઈ-ચલાન મોકલવામાં ટ્રાફિક-ડિપાર્ટમેન્ટનો છબરડો સામે આવ્યો છે. હેલ્મેટ વિના કાર ચલાવનારા ડ્રાઇવરને દંડ કરવામાં આવ્યો, ત્યાર પછી એ જ કારચાલકને એક એવા સ્કૂટરને ખોટા સ્થળે પાર્ક કરવા બદલ અસંખ્ય ઈ-ચલાન મળ્યાં હતાં, જે તેનું હતું જ નહીં.
‘મિડ-ડે’ના લેન્સમૅન સુરેશ કેકે પાસે બજાજ એવેન્જર ક્રૂઝ ૨૨૦ મોટરસાઇકલ છે, પણ તેના મોબાઇલ પર લગભગ ૧૦ એપ્રિલથી ભોઈવાડા ખાતે નો-પાર્કિંગ વિસ્તારમાં એક જ નંબરની ટીવીએસ જ્યુપિટર પાર્ક કરવા બદલ ઈ-ચલાન મળી રહ્યાં છે, જે તેનું છે જ નહીં. અત્યાર સુધીમાં ૧૦ ઈ-ચલાન મેળવી ચૂકેલા સુરેશે ખોટાં ઈ-ચલાન ઇશ્યુ કરવા બદલ પોલીસ-ફરિયાદ નોંધાવી છે, પરંતુ તેને હજી સુધી કોઈ જવાબ મળ્યો નથી.
દરમ્યાન ટ્રાફિક ડીસીપી (સિટી) દીપાલી મસીરકરે ‘મિડ-ડે’ને જણાવ્યું હતું કે ‘અમને આ પ્રકારની અનેક ફરિયાદ મળી રહી છે. આ સંબંધે અમે આરટીઓ સાથે કો-ઑર્ડિનેટ કરીશું. જોકે ફરિયાદીઓએ તેમને મળેલા ઈ-ચલાન વિશે સ્પષ્ટતા ન થાય ત્યાં સુધી દંડની રકમ ચૂકવવી આવશ્યક નથી.’

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK