કાંદાએ પાકિસ્તાનીઓને રડાવ્યાઃ કિલોનો ભાવ 100 રૂપિયાને પાર
કાંદા
કાંદાના ભાવ પાકિસ્તાનના લોકોને રાતા પાણીએ રડાવી રહ્યા છે. અહીં તેના ભાવ એક કિલોના ૧૦૦ રૂપિયા સુધી પહોંચી ગયા છે. પાકિસ્તાનના મીડિયામાં પ્રકાશિત એક અહેવાલમાં કહેવાયું છે કે સંબંધિત વિભાગ અને વ્યાપાર મંત્રાલયની ખોટી નીતિઓના કારણે પાકિસ્તાનમાં કાંદાના ભાવ નેવું રૂપિયાથી ૧૦૦ રૂપિયા સુધી પહોંચી ગયા છે. રિપોર્ટમાં કહેવાયું છે કે વરસાદના કારણે બલુચિસ્તાન અને સિંધમાં કાંદાના પાકને ખૂબ નુકસાન થવા છતાં તેની નિકાસ પહેલાની જેમ જ ચાલુ છે. એક બાજુ દેશી કાંદા બહાર મોકલવામાં આવી રહ્યા છે જ્યારે સ્થાનિક માગણી પૂરી કરવા માટે અફઘાનિસ્તાન અને ઈરાનના કાંદા દેશની બજારોમાં વેચાઈ રહ્યા હતા.
આ પણ વાંચો : અમેરિકી રાષ્ટ્રપતિ ટ્રમ્પે ટર્કીને ધમકી આપી...
ADVERTISEMENT
રિપોર્ટમાં કહેવાયું છે કે કાંદાના વેપારીઓનું કહેવું છે કે હવે આ દેશોમાંથી કાંદાની આયાત રોકી દેવામાં આવી છે. જ્યારે દેશી કાંદાની નિકાસ ધડાધડ ચાલુ છે. જેના કારણે કાંદાના ભાવ જે પહેલાં કરતાં વધુ હતા તે હવે વીસ રૂપિયા પ્રતિ કિલો સુધી વધી ગયા અને એક કિલો કાંદાની કિંમત સો રૂપિયા સુધી પહોંચી ગઈ.
