અમેરિકામાં પૌત્રીને કિડનૅપ કરનારાઓનો સામનો કરનાર ભારતીય મહિલાની હત્યા

Published: 25th October, 2012 05:13 IST

અપહરણકારો અને ૧૦ મહિનાની બાળકીને શોધી કાઢવા મોટા પાયે ઑપરેશન શરૂ કરવામાં આવ્યું



અમેરિકામાં અપહરણકારોએ ભારતીય મૂળની ૬૧ વર્ષની મહિલાની હત્યા કરીને તેમની માત્ર ૧૦ મહિનાની પૌત્રીનું અપહરણ કર્યું છે. આ ઘટના પેન્સિલ્વેનિયા સ્ટેટના મૉન્ટગોમરી ટાઉનમાં બની હતી. અમેરિકી પોલીસે અપહરણકારો અને કિડનૅપ થયેલી બાળકી સાન્વી વેન્નાને શોધી કાઢવા માટે મોટા પાયે ઑપરેશન હાથ ધર્યું છે.

સોમવારે બનેલી આ ઘટનામાં કેટલાક અપહરણકારો વેન્કટ કોન્ડા વેન્નાના અપાર્ટમેન્ટમાં ધસી આવ્યા હતા તથા તેમની ૧૦ મહિનાની બાળકી સાન્વીનું અપહરણ કરી ગયા હતા. આ પહેલાં અપહરણકારોએ સાન્વીનાં ૬૧ વર્ષનાં દાદીમા સત્યવતીની હત્યા કરી હતી. અપહરણકારોનો સામનો કરતી વખતે સત્યવતી પર જીવલેણ હુમલો કરવામાં આવ્યો હતો. તેઓ ગયા જુલાઈમાં જ બેબીની દેખભાળ માટે અમેરિકા આવ્યાં હતાં. સાન્વીના પિતા વેન્કટ અને તેની મમ્મી લતા ફેબ્રુઆરી ૨૦૦૭માં અમેરિકા આવ્યાં હતાં. તેઓ હજી ગયા જૂનમાં જ ટેક્સસથી પેન્સિલ્વેનિયા શિફ્ટ થયાં હતાં. જે અપાર્ટમેન્ટમાં તેઓ રહેતા હતા ત્યાં ઘણા પરિવારો તથા યુવાન પ્રોફેશનલ્સ રહે છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK