અમદાવાદના રિક્શાવાળાની આ વાત તમે સાંભળી કે નહીં?
અમદાવાદના રિક્શાવાળાની આ વાત તમે સાંભળી કે નહીં?
ટ્રાફિક સિગ્નલ પર ઉતાવળ ન કરશો...હોર્ન ના મારશો, ઈ-મેમો ભરી ભરીને થાકી ગયો છું...મહેરબાની કરીને શાંતિ રાખજો અને નિયમોનું પાલન કરજો....આ સૂચના કોઈ ટ્રાફિક પોલીસ કર્મી કે અધિકારી નથી આપી રહ્યા. અમદાવાદના એક રિક્શાવાળાએ પોતાની રિક્શાની પાછળ આ સૂચના લગાવી છે. તસવીર પરથી એવું લાગે છે કે આ ભાઈ રોજ રોજની ટ્રાફિકની સમસ્યાથી કંટાળી ગયા છે.
રિક્શા પાછળ લગાવેલી પહેલી સૂચનામાં કહેવામાં આવ્યું છે કે ટ્રાફિક સિગ્નલ પર ઉતાવળ ન કરશો. લોકોને એમ લાગે કે સિગ્નલ બંધ થવાનું છે અથવા તો ખુલવામાં જ છે, એટલે લોકો ઉતાવળા થવા લાગે છે. આ પહેલી સૂચના આવા લોકો માટે છે.
ADVERTISEMENT
બીજી સૂચના છે હોર્ન ન મારશો. હોર્નથી એક તો ધ્વનિ પ્રદૂષણ થાય છે. સાથે સાથે આસપાસના લોકો ચિડાઈ જાય છે. લાગે છે હોર્નના અવાજ સાંભળીને આ ભાઈ પણ થાકી ગયા છે. એટલે જ આવું કહે છે. સાથે એમ પણ કહ્યું છે કે હું ઈ-મેમો ભરીને થાકી ગયો છું. જેના પરથી એવું ફલિત થાય છે કે આ ભાઈએ ઈ-મેમો ભર્યા બાદ હવે ટ્રાફિકના નિયમોનું પાલન કરવાનું નક્કી કર્યું છે.
આ પણ વાંચોઃ અમદાવાદઃ શહેરના ટ્રાફિક સિગ્નલો જલ્દી જ બનશે સ્માર્ટ
ત્રીજી સૂચના છે મહેરબાની કરીને શાંતિ રાખજો અને નિયમોનું પાલન કરજો. આ સૂચના વાંચનારા તમામ લોકોનો રિક્શાવાળા ભાઈ શાંતિ રાખવાનું અને ટ્રાફિકના નિયમોનું પાલન કરવાની અપીલ કરી રહ્યા છે. તો તમે પણ કરજો હો ટ્રાફિકના નિયમોનું પાલન અને માનજો તેમની વાત.
