અમદાવાદમાં ભૂવારાજઃ સ્કૂલ બસ ભૂવામાં ફસાઈ ગઈ, વિદ્યાર્થીઓનો આબાદ બચાવ
અમદાવાદમાં ભૂવામાં ફસાઈ બસ
રાજ્યમાં મેઘરાજાએ હજુ તો દેખા જ દીધી છે ત્યાં જનતાને પરેશાની શરૂ થઈ ગઈ છે. અમદાવાદમાં દર વર્ષની જેમ આ વર્ષે પણ ભૂવારાજ જોવા મળી રહ્યું છે. ભૂવાના કારણે વાહનો ફસાયા હોવાના કિસ્સાઓ પણ સામે આવી રહ્યા છે.
શહેરના ઘાટલોડિયામાં એક સ્કૂલ બસ આવા જ એક ભૂવામાં ફસાઈ ગઈ. આ સમયે બસમાં 20 વિદ્યાર્થીઓ સવાર હતા. જો કે સદનસીબે તમામ વિદ્યાર્થીઓનો આબાદ બચાવ થયો છે. આ ઘટનાએ અમદાવાદ મ્યુનિસિપલ કોર્પોરેશનની પ્રી મોન્સૂન કામગીરી પોલ ખોલી નાખી છે.
ADVERTISEMENT
ઘાટલોડિયાના રન્ના પાર્ક વિસ્તારમાં સેન્ટ મેરી સ્કૂલની બસ પસાર થઈ રહી હતી. ત્યારે અચાનક જ રસ્તા પરના ભૂવામાં તે ફસાઈ ગઈ હતી. જો કે ઘટનામાં વિદ્યાર્થીઓનો આબાદ બચાવ થયો છે. તમામ વિદ્યાર્થીઓનો સલામત નીચે ઉતારવામાં આવ્યા હતા.
આ પણ વાંચોઃ ગુજરાતમાં આવો છે ચોમાસાના માહોલ, વરસી રહ્યું છે આભ, જુઓ ફોટોઝ
સ્થાનિકો રસ્તાનું કામ નબળું હોવાનો આરોપ લગાવી રહ્યા છે. આ પહેલા ન્યૂ રાણીપ વિસ્તારમાં સોમવારે એક મિનિ ટ્રક જમીન બેસી જવાના કારણે ફસાયો હતો. અમરાઈવાડીમાં પણ આવી જ ઘટના સામે આવી હતી.