અંતે ભાઈંદરની સ્કૂલના દરેક ધોરણના વિદ્યાર્થીને રિઝલ્ટ મળી ગયું

Published: Sep 17, 2020, 12:44 IST | Mumbai correspondent | Mumbai

દરેક ધોરણના વિદ્યાર્થીને આ વર્ષની ફી લીધા વગર જ ગયા વર્ષનું રિઝલ્ટ આપી દેવામાં આવ્યું છે. ‘મિડ-ડે’એ કરેલી આ મદદ બદલ પેરન્ટ્સ દ્વારા વિશેષ ધન્યવાદ કરવામાં આવ્યું છે.

પ્રતીકાત્મક તસવીર
પ્રતીકાત્મક તસવીર

ભાઈંદર-વેસ્ટમાં ૯૦ ફીટ રોડ પર આવેલી એસ. એલ. પોરવાલ ઇંગ્લિશ ‌મીડિયમ હાઈ સ્કૂલમાં પેરન્ટ્સના આક્ષેપ પ્રમાણે આ વર્ષની ફી ભરો તો જ ગયા વર્ષનું ‌‌રિઝલ્ટ મળશે એવું સ્કૂલ દ્વારા કહેવામાં આવ્યું હોવાથી એ મામલે પેરન્ટ્સ દ્વારા સખત વિરોધ દાખવામાં આવ્યો હતો. આ વિશે ‘મિડ-ડે’એ પેરન્ટ્સનો મુદ્દો સ્કૂલના ટ્રસ્ટી આગળ મૂકતાં તેમણે રિપોર્ટ-કાર્ડ આપવામાં આવશે એવું આશ્વાસન આપ્યું હતું. એ અનુસાર નવમા ધોરણના વિદ્યાર્થીઓને ઈ-મેઇલ મોકલીને રિપોર્ટ-કાર્ડ લેવા બોલાવ્યા હતા. એથી અન્ય ધોરણના વિદ્યાર્થીઓ રિપોર્ટ-કાર્ડ ક્યારે મળશે એ ચિંતામાં હતા. જોકે હવે દરેક ધોરણના વિદ્યાર્થીને આ વર્ષની ફી લીધા વગર જ ગયા વર્ષનું રિઝલ્ટ આપી દેવામાં આવ્યું છે. ‘મિડ-ડે’એ કરેલી આ મદદ બદલ પેરન્ટ્સ દ્વારા વિશેષ ધન્યવાદ કરવામાં આવ્યું છે.
સ્કૂલના છઠ્ઠા ધોરણમાં ભણતા વિદ્યાર્થીના પેરન્ટ્સે ‘મિડ-ડે’ને જણાવ્યું હતું કે ‘નવમા ધોરણનું ૨૦૧૯-’૨૦ના વર્ષનું રિઝલ્ટ પહેલાં અપાયું હતું એથી અમને ક્યારે અપાશે એ ચિંતા થવા લાગી હતી, પરંતુ ‘મિડ-ડે’એ ઇનિશેટિવ લીધો હોવાથી દરેક ધોરણના વિદ્યાર્થીઓને રિઝલ્ટ આપી દેવામાં આવ્યું છે, જેથી અમે રાહત અનુભવી છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK