E-Cigarette પીતા પીતા મોઢામાં થયો બ્લાસ્ટ, દાંત-જડબુ તૂટ્યુ

અમેરિકા | Jun 24, 2019, 15:57 IST

ગુજરાત સરકારે હજી કેટલાક દિવસો પહેલા ઈ સિગારેટ પર પ્રતિબંધ મૂકવાની જાહેરાત કરી છે. ત્યારે ઈ સિગારેટને લઈ એક ચોંકાવનારો કિસ્સો સામે આવ્યો છે.

E-Cigarette પીતા પીતા મોઢામાં થયો બ્લાસ્ટ, દાંત-જડબુ તૂટ્યુ

ગુજરાત સરકારે હજી કેટલાક દિવસો પહેલા ઈ સિગારેટ પર પ્રતિબંધ મૂકવાની જાહેરાત કરી છે. ત્યારે ઈ સિગારેટને લઈ એક ચોંકાવનારો કિસ્સો સામે આવ્યો છે. જો તમે પણ ઈ સિગારેટ પીવાના આદિ હોય તો ચેતી જજો. આ ઈ સિગારેટ તમારા મોઢામાં જ બ્લાસ્ટ થઈ શકે છે. જેનાથી તમને ગંભીર ઈજા પહોંચી શકે છે. આ અહેવાલ તમને ડરાવવા માટે નથી, પરંતુ ચેતવવા માટે છે. અમેરિકાના ઉટાહ શહેરમાં આવી જ એક ભયાનક ઘટના સામે આવી છે.

ન્યૂ ઈંગ્લેન્ડ જર્નલ ઓફ મેડિસીનના 19 જૂનના અંકમાં છપાયેલા અહેવાલ પ્રમામે 17 વર્ષનો એક છોકરો ઈ સિગારેટ પીતો હતો, ત્યારે જ તેમાં બ્લાસ્ટ થઈ ગયો. આ બ્લાસ્ટ એટલો જબરજસ્ત હતો કે તેનું મોઢું ફાટી ગયું. દાંત તૂટી ગયા અને જડબામાં ફેક્ચર થઈ ગયું. આ યુવકને ગંભીર ઈજા પહોંચી છે.

આ ઘટનાના બે કલાક બાદ તેને ઈમરજન્સી વોર્ડમાં ખસેડાયો હતો. આ યુવકનો સારવાર કરી રહેલા ડોક્ટર કેટી રસેલે કહ્યું કે આ યુવકના મોઢામા ઉંડો જખમ છે, અને તેના ઘણા દાંત ગાયબ છે, જડબુ પણ તૂટી ચૂક્યુ છે.

ડૉક્ટર રસેલના કહેવા પ્રમામે 6 અઠવાડિયાની સારવાર બાદ પણ આ યુવકનું મોઢું બરાબર ખુલી નથી રહ્યું. ડોક્ટર અને તેમની ટીમના સભ્યો ઈ સિગારેટના જબરજસ્ત બ્લાસ્ટની ઘટનાથી ચોંકી ઉઠ્યા હતા. એટલે આ રિપોર્ટ મેડિકલ જર્નલમાં પ્રકાશિત કરવાનો નિર્ણય લેવાયો.

આ પણ વાંચોઃ ક્રિકેટમાં આ રીતે હજી સુધી કોઈ નથી થયું આઉટ, જાણો કેમ

તમને જણાવી દઈએ કે આ વર્ષે ફેબ્રુઆરીમાં અમેરિકાના ટેક્સાસમાં એક એવી ઘટના બની હતી, જેમાં 24 વર્ષના એક યુવકનું મોત નીપજ્યું હતું. આ યુવકના ચહેરાની સામે જ ઈ સિગરેટમાં વિસ્ફોટ થયો હતો, જેને કારણે તેના ગળાની મુખ્ય નસ ફાટી ગઈ હતી.

Loading...

Tags

news
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK