BMCના સર્વેમાં મોટા ભાગના સિનિયર સિટિઝન્સના ઑક્સિજન-લેવલ ઓકે છે

Published: Jul 29, 2020, 07:28 IST | Vishal Singh | Mumbai

કોરોના રોગચાળા પર નિયંત્રણ માટે મુંબઈ મહાનગરપાલિકાએ ગયા એપ્રિલ મહિનાથી અત્યાર સુધીમાં ૬,૭૪,૦૫૩ સિનિયર સિટિઝન્સનાં ઑક્સિજન-લેવલની કરેલી ચકાસણીમાં ફક્ત ૨૪૭૧ સિનિયર સિટિઝન્સનું ઑક્સિજન-લેવલ ૯૫થી ઓછું આવ્યું છે.

ધારાવી ખાતે સિનિયર સિટીઝનનું ઓક્સિજન લેવલ તપાસવામાં આવે છે
ધારાવી ખાતે સિનિયર સિટીઝનનું ઓક્સિજન લેવલ તપાસવામાં આવે છે

કોરોના રોગચાળા પર નિયંત્રણ માટે મુંબઈ મહાનગરપાલિકાએ ગયા એપ્રિલ મહિનાથી અત્યાર સુધીમાં ૬,૭૪,૦૫૩ સિનિયર સિટિઝન્સનાં ઑક્સિજન-લેવલની કરેલી ચકાસણીમાં ફક્ત ૨૪૭૧ સિનિયર સિટિઝન્સનું ઑક્સિજન-લેવલ ૯૫થી ઓછું આવ્યું છે. એમાંથી ૬,૭૧,૩૧૨ જણનાં ઑક્સિજન-લેવલ નૉર્મલ કે ઊંચાં છે. ઓછું ઑક્સિજન-લેવલ શ્વાસની વ્યાધિઓ પેદા કરતું અને વધારતું હોવાથી એવા સિનિયર સિટિઝન્સ પર બીમારીનું જોખમ વધી જાય છે એથી મહાનગરપાલિકાના આરોગ્ય વિભાગે એ વૃદ્ધો પર નિગરાની રાખવાનું શરૂ કર્યું છે.

મુંબઈ મહાનગરપાલિકાની પાંચ મુખ્ય હૉસ્પિટલોના ડિરેક્ટર રમેશ ભારમલે જણાવ્યું હતું કે ‘ઑક્સિજન-લેવલ ચેક કરતી વખતે જે સિનિયર સિટિઝન્સનાં ઑક્સિજન-લેવલ ૯૫થી ઓછાં નોંધાયાં હતાં તેમની સ્થિતિનું નિરીક્ષણ ચાલુ રાખ્યું છે. આવશ્યકતા જણાય તો તેમને કોરોના કૅર સેન્ટર્સમાં મોકલવામાં આવે છે. કોરોના-ઇન્ફેક્શનનાં લક્ષણો જણાય એ પહેલાં તેમને આઇસોલેશનમાં રાખવામાં આવે છે, જેથી સારવારમાં ઝાઝી સમસ્યા ન નડે. મુંબઈ મહાનગરપાલિકાના આરોગ્ય ખાતાએ ઓછું ઑક્સિજન-લેવલ ધરાવતા સિનિયર સિટિઝન્સ માટે દરેક વૉર્ડમાં મૉનિટરિંગ ટીમ રાખી છે.’

ઍડિશનલ મ્યુનિસિપલ કમિશનર સુરેશ કાકાણીએ જણાવ્યું કે ‘મુંબઈ મહાનગરપાલિકાએ સિનિયર સિટિઝન્સનાં ઑક્સિજન-લેવલ ચેક કરવા માટે દરેક ઘરમાં જઈને તપાસ કરવાનું અભિયાન હાથ ધર્યું હતું એથી ૯૫થી ઓછું ઑક્સિજન-લેવલ ધરાવતા સિનિયર સિટિઝન્સને શોધવા અને તેમની સારવાર કરવાનું કામ સરળ થઈ ગયું હતું. આ અભિયાનને કારણે સિનિયર સિટિઝન્સમાં કોરોના-ઇન્ફેક્શનના પ્રસાર પર નિયંત્રણ રાખવામાં સફળતા મળી છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK