૫૦ની પરમિશન ને ૨૦૦ ગૅસ્ટ હાજર

Published: 23rd February, 2021 07:58 IST | Bakulesh Trivedi | Mumbai

જિસસે ડરતે થે વહી બાત હો ગઈ

પ્રતીકાત્મક તસવીર
પ્રતીકાત્મક તસવીર

ચેમ્બુરના છેડાનગર જિમખાનામાં આયોજિત કરાયેલા એક લગ્નમાં જ્યાં માત્ર ૫૦ જ જણને લઈ જવાનો નિયમ છે ત્યાં ૨૦૦ જેટલા મહેમાનો હતા. એટલું જ નહીં, એમાંના ઘણાએ માસ્ક પણ પહેર્યા નહોતા એથી પાલિકાએ તેમને તો દંડ કર્યો જ છે, પણ જિમખાનાના મૅનેજર અને વર-વધૂના પરિવાર સામે પોલીસ-ફરિયાદ કરી છે. 

મુંબઈ મહાનગરપાલિકાના ‘એમ વેસ્ટ’ વૉર્ડના મેડિકલ ઑફિસર ડૉ. ભૂપેન્દ્ર પાટીલે ‘મિડ-ડે’ને આ વિશે માહિતી આપતાં કહ્યું હતું કે ‘લોકોને નિયમોની ખબર નથી એવું નથી, તેઓ જાણતા હોય છે. તેમને ખબર હોય છે એમ છતાં તેઓ નિયમોનો ભંગ કરે છે. માત્ર ૫૦ જ જણની પરવાનગી છે એમ છતાં ૨૦૦ કરતાં વધુ લોકો એ લગ્નમાં એકઠા થયા હતા. લોકો બિન્દાસ થઈ ગયા છે. માસ્ક પહેરવો જોઈએ એ કોને નથી ખબર? બધાને ખબર છે, પણ તેમને એવું લાગે છે કે અમે તો પરિવારવાળા જ છીએ, અમને કાંઈ નહીં થાય.’

શું આ બાબતે જિમખાના તરફથી કોઈ પરવાનગી લેવાઈ હતી? એમ જ્યારે તેમને પૂછવામાં આવ્યું ત્યારે તેમણે કહ્યું હતું કે ‘જિમખાનાએ અમારી પાસેથી કોઈ પરવાનગી જ લીધી નથી. અમે આ બાબતે વર-વધૂના પરિવાર અને જિમખાનાના મૅનેજર સામે પોલીસ-ફરિયાદ કરતાં પોલીસે એફઆઇઆર દાખલ કરી એ બાબતે તપાસ હાથ ધરી છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK