સીતાફળ રબડી
ADVERTISEMENT
સામગ્રી
- એક કપ સીતાફળનો પલ્પ
- એક લિટર મલાઈવાળું દૂધ
- પોણો કપ સાકર
- ચાર બદામની કાતરી
- ચાર પિસ્તાની કાતરી
- થોડા તાંતણા કેસર
- પા ચમચી એલચીનો પાઉડર
- એક ચમચી બારીક સમારેલી ગુલાબની પાંખડીઓ
રીત
જાડા તળિયાવાળી એક કડાઈમાં દૂધ ગરમ કરો. એને સતત હલાવતા રહો અને દસ મિનિટ સુધી ઉકાળો. ત્યાર બાદ એમાં સાકર ઉમેરો અને એ પીગળે ત્યાં સુધી ઉકાળો. એ ઘાટ્ટુ થાય એટલે ગૅસ પરથી ઉતારી એમાં કેસર, એલચીનો ભૂકો તેમ જ બદામ અને પિસ્તાની કાતરી ઉમેરી મિક્સ કરો. હવે એમાં સીતાફળનો પલ્પ ઉમેરીને ત્રણથી ચાર કલાક સુધી ફ્રિજમાં ઠંડું કરવા મૂકો. ત્યાર બાદ બહાર કાઢી સર્વિંગ બાઉલમાં ભરો. એને ઉપરથી ગુલાબની પાંખડીઓથી સજાવી પીરસો.
