કોકોનટ મસાલા રાઇસ
ADVERTISEMENT
(મીતા ભરવાડા)
સામગ્રી
- એક કપ બાસમતી ચોખા
- અડધો કપ ખમણેલું નાળિયેર
- અડધો કપ દહીં
- ચાર સમારેલાં લીલાં મરચાં
- એક ટુકડો ખમણેલું આદું
- એક ચમચી રાઈ
- બે આખાં લાલ મરચાં
- થોડાં મીઠાં લીમડાનાં પાન
- બે ચમચા તેલ
- મીઠું સ્વાદ પ્રમાણે
- થોડા દાડમના દાણા અને સમારેલી કોથમીર સજાવટ માટે
રીત
ચોખાને ધોઈ અડધો કલાક પલાળો. દરેક દાણો છૂટો રહે એમ રાંધી લો. હવે એમાં ખમણેલું નાળિયેર, મીઠું અને દહીં નાખી મિક્સ કરો. એને સર્વિંગ બાઉલમાં કાઢી લો. હવે એક પૅનમાં તેલ ગરમ કરો. એમાં રાઈ અને સૂકાં લાલ મરચાંનો વઘાર કરો. હવે એમાં લીલાં મરચાં, આદું અને લીમડાનાં પાન નાખી સાંતળો. આ વઘારને તૈયાર કરેલા ભાત પર રેડો. દાડમના દાણા અને કોથમીર ભભરાવી પીરસો.