ઝાયરા વસીમને તેની ઈચ્છા પ્રમાણે જીવવાની સ્વતંત્રતાઃ અનુભવ સિંહા

મુંબઈ | Jul 07, 2019, 11:27 IST

ઝાયરા વસીમે બૉલીવુડ છોડવાનો નિર્ણય લીધો એનાં પર અનુભવ સિંહાનું કહેવું છે કે તેને પોતાની મરજી મુજબ જીવવાની સંપૂર્ણ આઝાદી છે.

ઝાયરા વસીમને તેની ઈચ્છા પ્રમાણે જીવવાની સ્વતંત્રતાઃ અનુભવ સિંહા
ઝાયરા વસીમને તેની ઈચ્છા પ્રમાણે જીવવાની સ્વતંત્રતાઃ અનુભવ સિંહા

ઝાયરા વસીમે બૉલીવુડ છોડવાનો નિર્ણય લીધો એનાં પર અનુભવ સિંહાનું કહેવું છે કે તેને પોતાની મરજી મુજબ જીવવાની સંપૂર્ણ આઝાદી છે. ઝાયરાએ તાજેતરમાં જ સોશ્યલ મીડિયામાં બૉલીવુડ છોડવાની જાહેરાત કરી હતી. ‘દંગલ’થી બૉલીવુડમાં નામના મેળવનાર ઝાયરાનાં આવા નિર્ણય બાદ બૉલીવુડ પણ સ્તબ્ધ થઈ ગયુ હતું. આ વિશે પોતાનો અભીપ્રાય જણાવતાં અનુભવ સિંહાએ કહ્યુ હતું કે ‘મારા અનેક મુસ્લિમ ફ્રેન્ડ્સ છે. તેઓ ફોટોઝ ક્લિક નથી કરતાં કારણ કે તેમનું માનવું છે કે આ બાબત તેમનાં ઈસ્લામ ધર્મની વિરુદ્ધ છે. હું એક એવા હિન્દુ યુવાનને જાણું છું જે આ ભૌતિક વિશ્વનો ત્યાગ કરીને ભગવાનની શોધમાં નિકળી પડ્યો હતો. આ તેની પસંદગી છે અને એમાં કશું ખોટું નથી. હા જો ઝાયરા પર બૉલીવુડ છોડવાનું કોઈએ દબાણ કર્યું હોય તો એ અલગ બાબત છે. જોકે એની મને ચોકક્સ માહિતી નથી. એથી હું એ વિશે કમેન્ટ ના કરી શકું. તેણે જે ફિલ્મમાં કામ કર્યું હતું એનાથી તે ઘણી ફૅમસ થઈ હતી અને હવે જો તે આ ઇન્ડસ્ટ્રી છોડવા માગતી હોય તો તેને કેમ અટકાવવામાં આવે? આપણે કેમ તેને તેની મરજી મુજબ ના કરવા દઈએ? આ તેની ધાર્મિક માન્યતા છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK