ધ ઍક્સિડેન્ટલ પ્રાઇમ મિનિસ્ટર પાકિસ્તાનમાં પણ થશે રિલીઝ
અનુપમ ખેર
11 જાન્યુઆરીએ ‘ઉરી : ધ સર્જિકલ સ્ટ્રાઇક’માં પાકિસ્તાનની વાત કરવામાં આવી હતી જેથી ફિલ્મને ત્યાં રિલીઝ ન કરવામાં આવે એ સમજી શકાય. જોકે ‘ધ ઍક્સિડેન્ટલ પ્રાઇમ મિનિસ્ટર’ને પણ ત્યાં રિલીઝ કરવામાં નહોતી આવી. આ ફિલ્મને પ્રોડ્યુસરોએ પાકિસ્તાનના સેન્સર ર્બોડને ફિલ્મ સર્ટિફિકેટ માટે આપી હતી. જોકે ફિલ્મમાં તેમને કોઈ વાંધો ન દેખાતાં તેમણે એને પાકિસ્તાનમાં રિલીઝ કરવા માટે પરવાનગી આપી દીધી છે. અનુપમ ખેર દ્વારા અભિનીત આ ફિલ્મ ભારતમાં લોકોને ખૂબ પસંદ પડી રહી છે.
આ પણ વાંચો : લગ્નનો હાલમાં કોઈ પ્લાન નથી સિદ્ધાર્થ મલ્હોત્રાનો
ADVERTISEMENT
પાકિસ્તાનમાં ફિલ્મ રિલીઝ થતાં જ લોકો પણ ભૂતપૂર્વ વડા પ્રધાન ડૉ. મનમોહન સિંહને નજીકથી જાણી શકશે. ભારતમાં વડા પ્રધાન તરીકેના તેમના કાર્યકાળ પર આ ફિલ્મ દ્વારા પ્રકાશ પાડવામાં આવ્યો છે. ભારતમાં આ ફિલ્મને લઈને ખાસ્સો વિવાદ નિર્માણ થયો હતો અને રાજકારણ પણ ગરમાયું હતું. આ ફિલ્મને આજે તામિલ અને તેલુગુમાં પણ રિલીઝ કરવામાં આવશે.