સલમાન ને સોનાક્ષી વચ્ચે અર્પિતાના રિસેપ્શનમાં થયો ઝઘડો

Published: 28th November, 2014 05:48 IST

એકવીસ નવેમ્બરે થયેલા અર્પિતાના રિસેપ્શનમાં જ્યાં બૉલીવુડના અનેક લોકો હાજર હતા એમાં સોનાક્ષી સિંહા પણ ઉપસ્થિત રહી હતી. વળી સલમાન ખાનનો લોકો પ્રત્યે પોતાનો પ્રેમ જેટલો જાણીતો છે એટલો તેનો ગુસ્સોપણ જાણીતો છે. વાત એમ છે કે અર્પિતાના રિસેપ્શનમાં સલમાન ખાન અને સોનાક્ષી સિંહા વચ્ચે ઉગ્ર બોલાચાલી થઈ હતી જેમાં સોનાક્ષી સિંહા રડી પડી હતી.



જાણવા મળ્યું છે કે સોનાક્ષીએ સલમાન સાથે કેટલાક સેલ્ફી ક્લિક કર્યા બાદ વાતચીત શરૂ કરી હતી જેમાં સલમાનને કોઈક વાત પર ગુસ્સો આવી ગયો હતો. સોનાક્ષી પોતે કન્ટ્રોલ કરે એ પહેલાં તે રડવા માંડી હતી. આ બોલાચાલીને જોઈને તો ડેઇઝી શાહ અને નિકિતિન ધીરને પણ આશ્ચર્ય થયું હતું. જોકે બાદમાં તેમના ઝઘડાને શાંત પાડવા તેમની કૉમન ફ્રેન્ડ પ્રોડ્યુસર અશ્વિની યાર્ડીને વચ્ચે આવવું પડ્યું હતું. જેણે સમલાન અને સોનાક્ષીને સાઇડમાં લઈ જઈને સમજાવવાનો પ્રયત્ન કર્યો હતો.

સાંભળવા તો એમ પણ મળ્યું છે કે સલમાન ખાન સાથે ‘દબંગ’ની સિરીઝમાં કામ કરી ચૂકેલી સોનાક્ષીએ અરબાઝ ખાનની આગામી ફિલ્મ ‘ડૉલી કી ડોલી’માં કામ કરવાની ઑફર નકારી દીધી હોવાને કારણે સલમાન ઘણો નાખુશ હતો. જોકે એ ફિલ્મ માટે પછીથી સોનમ કપૂરને સાઇન કરવામાં આવી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK