ઑનલાઇન વધુ કૉમેડી ફિલ્મ બનાવવામાં આવે એવી શર્મન જોશીની ઇચ્છા

શર્મન જોષીનું કહેવું છે કે ઑનલાઇન પ્લૅટફૉર્મ પર વધુ કૉમેડી ફિલ્મો બનાવવી જોઈએ. શર્મને ‘સ્ટાઇલ’, ‘ગોલમાલ’, અને ‘3 ઇડિયટ્સ’ જેવી ફિલ્મોમાં કૉમેડી પાત્રો ભજવ્યાં છે. આ વિશે શર્મને કહ્યું હતું કે ‘કૉમેડી હાલમાં મારું સૌથી પહેલું પ્રાધાન્ય છે. લોકોને હું મારી ફિલ્મોથી હસાવવા માગું છું. લૉકડાઉનમાં પણ મેં એ વસ્તુ માર્ક કરી છે કે ઑનલાઇન ભાગ્યે જ કોઈ કૉમેડી શો કે ફિલ્મ આવી હશે. જૂની કૉમેડી ફિલ્મો અને શોનો જ સ્ટૉક છે. હું કૉમેડી પ્રોજેક્ટ શોધી રહ્યો હતો જેને હું લૉકડાઉનમાં જોઈ શકું, પરંતુ મને કોઈ ન મળ્યો. આ કારણસર મેં ‘ફ્રેન્ડ્સ’ ફરી જોવાની શરૂ કરી છે. મને લાગે છે કૉમેડી શો અને ફિલ્મો વધુ બનાવવાં જોઈએ.’