છોટે નવાબ હવે પટૌડીના ઑફિશ્યલ નવાબ

Published: 1st November, 2011 19:02 IST

ગુરગાંવથી ૨૬ કિલોમીટર દૂર આવેલા હરિયાણાના પટૌડીમાં ગઈ કાલે એક ધાર્મિક વિધિ કરીને ત્યાંના નવાબની પદવી છોટે નવાબ તરીકે ઓળખાતા ૪૧ વર્ષના સૈફ અલી ખાનને સોંપવામાં આવી છે. અત્યાર સુધી આ પદવી સૈફ અલી ખાનના પિતા મન્સૂર અલી ખાન પટૌડી પાસે હતી.

 

 

જોકે ૨૨ સપ્ટેમ્બરે તેમનું નવી દિલ્હીની સર ગંગારામ હૉસ્પિટલમાં ફેફસાંના ઇન્ફેક્શનને કારણે અવસાન થઈ જતાં હવે એ પદવી તેમના વારસ સૈફ અલી ખાનને સોંપવામાં આવી છે. આ પદવી સોંપવાની વિધિ સૈફ અલી ખાનના પટૌડીમાં આવેલા પારિવારિક ઇબ્રાહિમ પૅલેસમાં કરવામાં આવી હતી. એમાં આ વિસ્તારનાં ગામોના મુખ્ય વ્યક્તિએ સૈફના માથે પાઘડી બાંધી હતી. આ ધાર્મિક વિધિમાં સૈફનાં મમ્મી શર્મિલા ટાગોર, બહેનો સોહા અને સબાની સાથોસાથ હરિયાણાના મુખ્ય પ્રધાન ભૂપિન્દર સિંહ હુડાએ પણ હાજરી આપી હતી. આમ સૈફ હવે પટૌડીનો દસમો નવાબ બની ગયો છે. તસવીરો : એએફપી


Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK