Alt બાલાજીની બ્લૅકવૂડ્સમાં ગલી બૉય ફેમ નકુલ સહદેવ
‘ધ કપિલ શર્મા શો’, ‘કાનપુરવાલે ખુરાનાસ’ જેવા શોનાં ક્રીએટિવ ડિરેક્ટર પ્રીતિ અને નીતિ સિમોસ હવે Alt બાલાજી માટે એક શો લઈને આવી રહ્યાં છે. તેઓ પોતાના પ્રોડક્શન-હાઉસ લીલ ફ્રોડો પ્રોડક્શન્સ હેઠળ આ શો બનાવી રહ્યા છીએ. આ હૉરર-થ્રિલર વેબ-સિરીઝનું નામ ‘બ્લૅકવૂડ્સ’ છે જેમાં નીતિ ટેલર, ભાવિન ભાનુશાલી, પ્રણતી રાય પ્રકાશ, નકુલ સહદેવ વગેરે કલાકારો જોવા મળશે.
નીતિ ટેલર આ શોમાં લીડ રોલ ભજવી રહી છે. નીતિ એમટીવી ચૅનલની ‘કૈસી યે યારિયાં’ સિરિયલથી જાણીતી બની હતી જેમાં ‘કસૌટી ઝિંદગી કી 2’ ફેમ પાર્થ સમથાન પણ હતો. તો ભાવિન ભાનુશાલી ‘એમટીવી સ્પ્લીટ્સવિલા’ માટે, પ્રણતી રાય પ્રકાશ ઝીફાઇવની ‘પોઇઝન’ માટે અને નકુલ સહદેવ રણવીર સિંહ સ્ટારર ‘ગલી બૉય’ માટે જાણીતો છે.
