દિવ્યાંદુ કરશે એકતા સાથે બિચ્છુ કા ખેલ
દિવ્યાંદુ શર્મા
એકતા કપુરની વેબ-સિરીઝ ‘બિચ્છુ કા ખેલ’ના લીડ સ્ટાર તરીકે ‘મિર્ઝાપુર’નો હાર્ડ-હીટિંગ અને માથાફરેલા વિલનનું કૅરૅક્ટર કરનારો દિવ્યાંદુ શર્મા ફાઇનલી ફાઇનલ થયો છે. દિવ્યાંદુ આ વેબ-સિરીઝમાં એક રાઇટરનું કૅરૅક્ટર કરે છે જે ક્રાઇમ-થ્રિલર લખવાનો સતત પ્રયાસ કરે છે, પણ તેને સફળતા નથી મળી. વેબ-સિરીઝના હીરોના પપ્પાનું એક ગેરવાજબી ઘટનામાં મોત થાય છે. રાઇટર ન્યાય માટે લડે છે પણ તેને ન્યાય નથી મળતો એટલે તે પોતાનું લેખક-દિમાગ કામે લગાડે છે અને કાયદાઓને પોતાની ઇચ્છા મુજબ મારી-મચકોડીને પિતાની હત્યાનો બદલો લે છે અને એનું નામ પણ સુધ્ધાં આવતું નથી.
દિવ્યાંદુ શર્મા અત્યારથી જ કામ પર લાગી ગયો છે અને ક્રાઇમ-થ્રિલર લખનારા રાઇટરનું દિમાગ કેવું કામ કરતું હોય છે એનું ઑબ્ઝર્વેશન કરે છે તો સાથોસાથ તેણે ક્રાઇમ-થ્રિલર નૉવેલ પણ વાંચવાનું શરૂ કરી દીધું છે. ‘બિચ્છુ કા ખેલ’નું શૂટ નવેમ્બરના એન્ડથી શરૂ થશે અને વેબ-સિરીઝ જાન્યુઆરીના એન્ડમાં રિલીઝ થશે.
