પારસી હેરિટેજને એક્સપ્લોર કરશે 'મસ્કા'

Published: Feb 19, 2020, 11:04 IST | Ahmedabad

નેટફ્લિક્સની આ ફિલ્મથી જાણીતી સિંગર શર્લી સેઠિયાનું ડિજિટલ ડેબ્યુ મનીષા કોઇરાલા પણ મહત્વના પાત્રમાં

મનીષા કોઇરાલા
મનીષા કોઇરાલા

નેટફ્લિક્સની આગામી ફિલ્મ ‘મસ્કા’ કમિંગ-ઑફ-એજ ડ્રામા છે જે આજની પેઢીના સપનાની વાત કરે છે. માર્ચમાં રિલીઝ થનારી આ ફિલ્મનું ટીઝર-કમ-સૉન્ગ તાજેતરમાં રિલીઝ થયું છે. આ ફિલ્મમાં રૂમી નામના યુવાનની વાત છે જે ફિલ્મસ્ટાર બનવાની કલ્પનામાં રાચે છે અને પર્સિસ નામની સમજુ-પ્રૅક્ટિકલ છોકરીને મળ્યા બાદ સપના અને ભ્રમણા વચ્ચેનો ભેદ સમજે છે. આ લીડ રોલ પ્રીત કામાણી અને શર્લી સેઠિયા ભજવી રહ્યાં છે. પ્રીત કામાણી રાજશ્રી પ્રોડક્શન્સની ‘હમ ચાર’ ફિલ્મમાં કામ કરી ચૂક્યો છે તો જાણીતી સિંગર શર્લી સેઠિયા આ ફિલ્મથી ડેબ્યુ કરી રહી છે. શર્લી આગામી હિન્દી ફિલ્મ ‘નિકમ્મા’માં પણ જોવા મળશે જેમાં અભિમન્યુ દાસાણી, શિલ્પા શેટ્ટી જેવાં કલાકારો છે.

આ ઉપરાંત છેલ્લે ‘પ્રસ્થાનમ’માં જોવા મળેલી અભિનેત્રી મનીષા કોઇરાલા પણ ‘મસ્કા’માં મહત્વના રોલમાં જોવા મળશે. તો ટીવી-શો ‘એક દૂજે કે વાસ્તે’ અને શાહિદ કપૂરની ફિલ્મ ‘કબીર સિંહ’ માટે જાણીતી નિકિતા દત્તા પણ આ ફિલ્મમાં છે. નીરજ ઉડવાની દિગ્દર્શિત આ ફિલ્મમાં મુંબઈનું બૅકડ્રૉપ હશે જેમાં પારસી હેરિટેજને એક્સપ્લોર કરવામાં આવશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK