પંદર જાન્યુઆરીએ વેબ-ડેબ્યુ કરશે કાજોલ
કાજોલ
કાજોલની વેબ-ડેબ્યુ ફિલ્મ ‘ત્રિભંગા’ પંદર જાન્યુઆરીએ નેટફ્લિક્સ પર રિલીઝ થઈ રહી છે. આ ફિલ્મમાં ત્રણ જનરેશનની વાત કરવામાં આવી છે જે 1980ના દાયકાથી આજના દિવસ સુધીની સ્ટોરીને આવરી લેશે. મુંબઈમાં સેટ આ સ્ટોરી દ્વારા કાજોલ તેનો ડિજિટલ ડેબ્યુ કરી રહી છે. આ ફિલ્મમાં તન્વી આઝમી અને મિથિલા પાલકર પણ જોવા મળશે જેને રેણુકા શહાણે દ્વારા લખવામાં અને ડિરેક્ટ કરવામાં આવી છે. આ ફિલ્મની રિલીઝની જાહેરાત કરતાં કાજોલે ઇન્સ્ટાગ્રામ પર કૅપ્શન આપી હતી કે ‘ત્રિભંગા એટલે કે ટેઢી, મેઢી, ક્રેઝી પરંતુ સેક્સી. ‘ત્રિભંગા’ પંદર જાન્યુઆરીએ નેટફ્લિક્સ પર પ્રીમિયર થશે.’
