પ્રિયંકાની ‘સિટાડેલ’ બની દુનિયાની નંબર વન વેબ-સિરીઝ

ઍમેઝૉન પ્રાઇમ વિડિયો પર આ શો ૨૮ એપ્રિલે રિલીઝ થયો છે

પ્રિયંકા ચોપડા

પ્રિયંકા ચોપડા જોનસની હાલમાં રિલીઝ થયેલી વેબ-સિરીઝ ‘સિટાડેલ’ દુનિયાની નંબર વન પર પહોંચી ગઈ છે. રુસો બ્રધર્સની આ સ્પાય-થ્રિલરે વિશ્વભરમાં લોકોને પોતાના દીવાના બનાવ્યા  છે. ઍમેઝૉન પ્રાઇમ વિડિયો પર આ શો ૨૮ એપ્રિલે રિલીઝ થયો છે. એમાં પ્રિયંકાની સાથે રિચર્ડ મૅડન પણ લીડ રોલમાં છે. એક વેબસાઇટ મુજબ અમેરિકામાં આ વેબ-સિરીઝ લોકોમાં ખૂબ લોકપ્રિય બની છે. છ એપિસોડની આ સિરીઝના બે એપિસોડનું પ્રીમિયર થયું છે. પ્રિયંકાનાં પર્ફોર્મન્સ અને ઍક્શન લોકોને ખૂબ ગમી રહ્યાં છે. ફ્લિક્સ પૅટ્રોલે બહાર પાડેલા લિસ્ટમાં ‘સિટાડેલ’ને નંબર વન સ્થાન મળ્યું છે. અન્ય શોની સરખામણીએ ‘સિટાડેલ’નો સ્કોર સૌથી વધુ છે. ફ્લિક્સ પૅટ્રોલે જે ટૉપ ૧૦ સિરીઝનું લિસ્ટ બહાર પાડ્યું છે એના પર એક નજર નાખીએ.