આ ડીલથી કુલ પાંચ કરોડ રૂપિયાની કમાણી કરી. ‘બિગ બૉસ 14’થી સારી એવી લોકપ્રિયતા મેળવનાર સિંગર રાહુલ વૈદ્ય અને તેનાં મમ્મી-પપ્પા કૃષ્ણા-ગીતા વૈદ્યએ મુંબઈના ઓશિવરામાં બે રેસિડેન્શિયલ અપાર્ટમેન્ટ વેચીને પાંચ કરોડ રૂપિયા મેળવ્યા છે.
રાહુલ વૈદ્ય
‘બિગ બૉસ 14’થી સારી એવી લોકપ્રિયતા મેળવનાર સિંગર રાહુલ વૈદ્ય અને તેનાં મમ્મી-પપ્પા કૃષ્ણા-ગીતા વૈદ્યએ મુંબઈના ઓશિવરામાં બે રેસિડેન્શિયલ અપાર્ટમેન્ટ વેચીને પાંચ કરોડ રૂપિયા મેળવ્યા છે. ઇન્સ્પેક્ટર જનરલ ઑફ રજિસ્ટ્રેશનની વેબસાઇટ પરથી મળેલી માહિતી પ્રમાણે આ ડીલનું રજિસ્ટ્રેશન ૨૦૨૫ના એપ્રિલમાં થયું છે.
રાહુલ વૈદ્યના આ બન્ને અપાર્ટમેન્ટ ઓશિવરાના સમર્થ આંગન કૉમ્પ્લેક્સમાં છે. મળતી માહિતી પ્રમાણે એક ફ્લૅટ ૧૧૦૨.૩૮ સ્ક્વેર ફુટમાં ફેલાયેલો છે. રાહુલ અને તેના પરિવારે આ ફ્લૅટ ૨૦૦૮માં ૧.૦૧ કરોડ રૂપિયામાં લીધો હતો અને હવે એ ફ્લૅટ ત્રણ કરોડ રૂપિયામાં વેચી દેવાયો છે. આ ડીલ માટે ૩૦,૦૦૦ રૂપિયા રજિસ્ટ્રેશન-ફી અને ૧૮ લાખ રૂપિયા સ્ટૅમ્પ-ડ્યુટી ચૂકવવામાં આવી છે.
રાહુલ વેદ્યના બીજા ફ્લૅટની વાત કરીએ તો એ ૭૪૩.૨૮ સ્ક્વેર ફુટ જેટલા વિસ્તારમાં ફેલાયેલો છે. આ ફ્લેટ ૨૦૦૮માં ૬૮.૩ લાખ રૂપિયામાં ખરીદવામાં આવ્યો હતો અને હવે બે કરોડ રૂપિયામાં વેચી દેવાયો છે. આ ડીલ માટે ૩૦,૦૦૦ રૂપિયા રજિસ્ટ્રેશન-ફી અને ૧૨ લાખ રૂપિયા સ્ટૅમ્પ-ડ્યુટી ચૂકવવામાં આવી છે.
