° °

આજનું ઇ-પેપર
Sunday, 11 April, 2021

Total Timepass: શાહરુખ સાથે પઠાનનું શૂટિંગ શરૂ કર્યું સલમાને

26 February, 2021 12:43 PM IST | Mumbai | Agencies

Total Timepass: શાહરુખ સાથે પઠાનનું શૂટિંગ શરૂ કર્યું સલમાને

Total Timepass: શાહરુખ સાથે પઠાનનું શૂટિંગ શરૂ કર્યું સલમાને

Total Timepass: શાહરુખ સાથે પઠાનનું શૂટિંગ શરૂ કર્યું સલમાને

શાહરુખ સાથે પઠાનનું શૂટિંગ શરૂ કર્યું સલમાને

મુંબઈ : (પી.ટી.આઇ.) સલમાન ખાને ગઈ કાલથી શાહરુખ ખાન સાથે ‘પઠાન’નું શૂટિંગ શરૂ કરી દીધું છે. આ ફિલ્મને યશરાજ ફિલ્મ્સ પ્રોડ્યુસ અને સિદ્ધાર્થ આનંદ ડિરેક્ટ કરી રહ્યો છે. આ ફિલ્મમાં સલમાન નાની ભૂમિકામાં જોવા મળવાનો છે. ફિલ્મમાં દીપિકા પાદુકોણ પણ લીડ રોલમાં દેખાશે. ૨૦૧૮માં આવેલી ‘ઝીરો’ બાદ શાહરુખ ‘પઠાન’માં જોવા મળવાનો છે.

Shah Rukh Khan

શાહરુખના ફૅન્સ તેની ફિલ્મને લઈને ખૂબ આતુર હતા. ‘પઠાન’ની જાહેરાત થતાં જ તેઓ પણ પોતાના ફેવરિટ સ્ટારને જોવા માટે એક્સાઇટેડ છે. સલમાન પણ આ ફિલ્મમાં નાનકડી પરંતુ અગત્યની ભૂમિકામાં દેખાશે. સલમાને હાલમાં જ ‘બિગ બૉસ ૧૪’ પૂરો કર્યો છે અને હવે તે ‘પઠાન’નું શૂટિંગ કરી રહ્યો છે. ત્યાર બાદ તે ‘ટાઇગર 3’ અને ‘કભી ઈદ કભી દિવાલી’નું શૂટિંગ શરૂ કરશે.

ચાર વર્ષ બાદ સલમાન ખાન સાથે પર્ફોર્મ કરશે મિકા સિંહ

Mika Singh

મુંબઈ : (આઇ.એ.એન.એસ.) ‘ઇન્ડિયન પ્રો મ્યુઝિક લીગ’માં મિકા સિંહ ચાર વર્ષ બાદ સલમાન ખાન સાથે પર્ફોર્મ કરવાનો છે. આ શોને કરણ વાહી અને વલુશા ડિસોઝા હોસ્ટ કરશે. આ નવા રિયલિટી શોમાં બૉલીવુડના દિગ્ગજ ગાયકોની વચ્ચે કાંટે કી ટક્કર જોવા મળશે. સલમાન આ શોનો બ્રૅન્ડ-ઍમ્બૅસૅડર છે. સલમાન સાથે પર્ફોર્મ કરવા વિશે મિકાએ કહ્યું હતું કે ‘મ્યુઝિકમાં ‘ઇન્ડિયન પ્રો મ્યુઝિક લીગ’ અત્યાર સુધીનો એકદમ અલગ પ્રકારનો શો છે. સલમાન ભાઈ દેશનો મોટો સ્ટાર છે. તેમની સાથે ઘણા સમય બાદ પર્ફોર્મ કરવાની ઘણી મજા આવશે. મારા માટે તો એ સન્માનની વાત છે. અમારા સંબંધો પણ સારા છે. અમે જ્યારે સાથે પર્ફોર્મ કરીશું તો એક અલગ ઝલક જોવા મળશે. એનાથી અમારો પર્ફોર્મન્સ વધુ નિખરશે. હું ખૂબ એક્સાઇટેડ છું અને હવે વધુ રાહ નથી જોઈ શકતો.’

ક્યા ઍક્શન હૈ રે બાબા!

Ranveer Singh

રણવીર સિંહ અને રોહિત શેટ્ટી હાલમાં જ ઍક્શન મોડમાં જોવા મળ્યા હતા. રોહિત શેટ્ટી તેની ફિલ્મોમાં ઍક્શન માટે જાણીતો છે. તે જેટલી કાર ઉડાવે છે એટલી ભાગ્યે જ કોઈ ડિરેક્ટરે તેની કરીઅરમાં ઉડાવી હશે. રોહિત અને રણવીર બન્નેએ ઇન્સ્ટાગ્રામ પર તેમનો ઍક્શન કરતો એક ફોટો શૅર કર્યો છે. જોકે આ ફોટો તેમની આગામી ફિલ્મ ‘સર્કસ’નો નથી. તેમણે હાલમાં જ એક નૂડલ્સ ઍડનું શૂટિંગ કર્યું હતું જેમાં તેઓ ઍક્શન મોડમાં જોવા મળ્યા હતા. આ ફોટો શૅર કરીને રણવીરે કૅપ્શન આપી હતી કે ‘અમે આ રીતે નૂડલ્સની કમર્શિયલનું શૂટ કરીએ છીએ.’

સે ચીઝ!

Suhana Khan

સુહાના ખાને તેનો ફોટો શૅર કરીને લખ્યું છે કે સે ચીઝ. સોશ્યલ મીડિયામાં તે ખૂબ ઍક્ટિવ રહે છે. તેના ફૉલોઅર્સ પણ ઘણા છે. સુહાનાએ ઇન્સ્ટાગ્રામ પર જે ફોટો શૅર કર્યો છે એમાં તે ખૂબ જ સુંદર લાગી રહી છે. આ ફોટોને કૅપ્શન આપતાં સુહાનાએ ‘સે’ લખ્યું અને ચીઝની ઇમોજી આપી હતી.

બધાઈ દોનું શૂટિંગ પૂરું કર્યું ભૂમિ અને રાજકુમારે

Badhai Do

ભૂમિ પેડણેકર અને રાજકુમાર રાવે ‘બધાઈ દો’નું શૂટિંગ પૂરું કરી લેતાં તેઓ ‘પાવરી હો રહી હૈ’ના રંગમાં આવી ગયાં છે. ફિલ્મને હર્ષવર્ધન કુલકર્ણીએ ડિરેક્ટ કરી છે. આ ફિલ્મ ૨૦૧૮માં આવેલી ‘બધાઈ હો’ની સીક્વલ છે. આ ફિલ્મને નૅશનલ અવૉર્ડ પણ મળ્યો હતો. ‘બધાઈ દો’માં ભૂમિ પી.ટી. ટીચરના રોલમાં અને રાજકુમાર પોલીસના રોલમાં દેખાશે. આ ફિલ્મનું શૂટિંગ પૂરું કરી લેતાં ભૂમિએ એક વિડિયો શૅર કર્યો છે. એ વિડિયોમાં રાજકુમાર રાવ અને ડિરેક્ટર પણ છે. 

26 February, 2021 12:43 PM IST | Mumbai | Agencies

અન્ય લેખો

બૉલિવૂડ સમાચાર

આયુષ્માન સાથે ‘ડૉક્ટર G’માં દેખાશે શેફાલી શાહ

પહેલી વખત આ ત્રણેય એકસાથે ફિલ્મમાં દેખાશે. અનુરાગ કશ્યપની બહેન અનુભૂતિ કશ્યપ આ ફિલ્મને ડિરેક્ટ કરશે.

10 April, 2021 03:51 IST | Mumbai | Gujarati Mid-day Correspondent
બૉલિવૂડ સમાચાર

કોવિડ નેગેટિવ આવ્યા બાદ પાંચ કિલોમીટરની દોડ લગાવી મિલિંદ સોમણે

હેલ્થનો અર્થ એ નથી કે તમે બીમારીથી મુક્ત છો અને ફિટનેસનો અર્થ એ નથી કે તમારી પાસે સિક્સ-પૅક ઍબ્સ અને બાઇસેપ્સ હોય. તમારું દિમાગ શાંત રાખો અને શરીરને હંમેશાં સક્રિય રાખો.

10 April, 2021 03:04 IST | Mumbai | Gujarati Mid-day Correspondent
બૉલિવૂડ સમાચાર

બ્રિટીશ ઍકૅડેમી ફિલ્મ અવૉર્ડ્સને પ્રેઝન્ટ કરશે પ્રિયંકા

પોતાને મળેલી આ તકનો આભાર માનતાં ઇન્સ્ટાસ્ટોરી પર પોતાનો ફોટો શૅર કરીને પ્રિયંકાએ લખ્યું હતું કે ‘આ રવિવારે EE BAFTAને પ્રેઝન્ટ કરવાને લઈને ખૂબ જ સન્માનનીય અને ઉત્સાહિત છું

10 April, 2021 09:05 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK