હૈદરાબાદમાં, સલમાન ખાન અભિનેત્રી પૂજા હેગડે સાથે કભી ઈદ કભી દિવાળીના એક લાર્જર ધેન લાઈફ ગીત માટે શૂટિંગ કરી રહ્યો છે.
સલમાન ખાન અને રામ ચરણ
બોલિવૂડ સુપરસ્ટાર સલમાન ખાન(Salman Khan)આ દિવસોમાં તેની આગામી ફિલ્મ `કભી ઈદ કભી દિવાલી` ના શૂટિંગમાં વ્યસ્ત છે. સલમાન ખાનની સાથે ફિલ્મની લીડ એક્ટ્રેસ પૂજા હેગડે પણ હૈદરાબાદમાં શૂટિંગ કરી રહી છે. આ દરમિયાન એક મોટા સમાચાર સામે આવી રહ્યા છે, જેમાં દાવો કરવામાં આવી રહ્યો છે કે આ ફિલ્મમાં રામ ચરણ પણ જોવા મળી શકે છે. જો કે આ ફિલ્મમાં રામ ચરણની ભૂમિકા ઘણી નાની રહેવાની છે.
કભી ઈદ કભી દિવાલીમાં રામ ચરણનો કેમિયો
ADVERTISEMENT
ખરેખર હૈદરાબાદમાં, સલમાન ખાન અભિનેત્રી પૂજા હેગડે સાથે કભી ઈદ કભી દિવાલીના લાર્જર ધેન લાઈફ ગીતનું શૂટિંગ કરી રહ્યો છે. મીડિયા રિપોર્ટ્સ અનુસાર આ ગીતનું શૂટિંગ જોવા માટે RRR ફિલ્મ સ્ટાર રામ ચરણ પણ સલમાનને મળવા સેટ પર પહોંચ્યા હતા. આ પછી સલમાન ખાને નિર્માતાઓને સલાહ આપી છે કે આ ગીતમાં રામ ચરણને પણ રાખીએ, જે આ ગીત અને ફિલ્મ માટે ફાયદાકારક રહેશે. અને રામ ચરણે પણ આના માટે મંજૂરી આપી દીધી. જે અંતર્ગત ચાહકો કભી ઇદ કભી દિવાલીમાં સાઉથ સિનેમાના સ્ટાર રામ ચરણની ઝલક મેળવી શકશે.
જો રામ ચરણ પણ સલમાન ખાનની `કભી ઈદ કભી દિવાલીનો હિસ્સો બને છે, તો તે અન્ય અભિનેતા હશે જે આ મેગા સ્ટાર ફિલ્મમાં સામેલ થશે. કારણ કે રામ ચરણ પહેલા શહનાઝ ગિલ, જસ્સી ગિલ અને આયુષ શર્મા જેવા મોટા કલાકારો ઈદ કભી દિવાલીમાં જોડાવાના અહેવાલો છે. આવી સ્થિતિમાં, સલમાન ખાન સાથે કભી ઈદ કભી દિવાળીમાં રામ ચરણને જોવું ચાહકો માટે ખૂબ જ રસપ્રદ રહેશે.
